پرسه‌نامه‌ی وه‌زاره‌تی ده‌ره‌وه‌ی عیراق بۆ كۆچی دوایی عادل موراد

.

وته‌بێژی ره‌سمی وه‌زاره‌تی ده‌ره‌وه‌ی عیراق بۆ كۆچی دوایی عادل موراد پرسه‌نامه‌یه‌ك بڵاوده‌كاته‌وه‌.

له‌ پرسه‌نامه‌كه‌يدا ئه‌حمه‌د مه‌حجوب وته‌بێژی ره‌سمی وه‌زاره‌تی ده‌ره‌وه‌ی عیراق رایگه‌یاندوه‌، به‌داخه‌وه‌ ئه‌مڕۆ باڵیۆزی پێشووی عیراق له‌ رۆمانیا و سیاسه‌تمه‌داری عیراق عادل موراد دوای ململانێیه‌كی زۆر له‌گه‌ڵ نه‌خۆشی جێی هێشتین.

له‌ پرسه‌نامه‌كه‌دا ئه‌وه‌شخراوه‌ته‌ڕوو: عادل موراد یه‌كێك بوو له‌و كه‌سایه‌تییه‌ دبلۆماسییانه‌ی عیراق كه‌ وه‌زاره‌تی ده‌ره‌وه‌ی عیراق شانازی پێوه‌ده‌كرد، چونكه‌ له‌كاتێكدا كه‌ باڵیۆزی عیراق بووه‌ له‌ رۆمانیا هه‌وڵی زۆری داوه‌ بۆ خزمه‌تكردنی حكومه‌تی عیراق و گه‌لی عیراق .

له‌كۆتایی پرسه‌نامه‌كه‌ی وه‌زاره‌تی ده‌ره‌وه‌ی عیراق هاتووه‌، هاوخه‌می وه‌زاره‌ت بۆ له‌ده‌ستدانی عادل موراد راده‌گه‌یه‌نین و له‌ یه‌زدان داواكارین رۆحی كۆچكردو به‌ به‌هه‌شتی به‌رین شاد بكات.

PUKmedia وه‌زاره‌تی ده‌ره‌وه‌ی عیراق