سه‌ركرده‌یه‌ك: مالكی خۆی بۆ پۆستی سه‌رۆك وه‌زیران ناپاڵێوێت

.

سه‌ركرده‌یه‌كی ده‌وڵه‌تی یاسا دووپاتی ده‌كاته‌وه‌، كه‌ نوری مالكی چاوی نه‌بڕیوه‌ته‌ سه‌رۆك وه‌زیرانی عیراق و پێده‌چێت عه‌بادی و عامریش هه‌مان بۆچوونیان هه‌بێت.

سه‌عد مه‌تڵه‌بی سه‌ركرده‌ له‌ده‌وڵه‌تی یاسا رایگه‌یاندوه‌: نوری مالكی چاوی له‌سه‌ر پۆستی سه‌رۆك وه‌زیرانی عیراق نیه‌ و ئه‌و پۆسته‌ به‌مافی لایه‌نه‌كانی تر ده‌زانێت.

رونیشكراوه‌ته‌وه‌: هه‌ریه‌ك له‌عامری  سه‌رۆكی  هاوپه‌یمانی فه‌تح و عه‌بادی سه‌رۆكی هاوپه‌یمانی نه‌سر هه‌مان بیرۆكه‌یان هه‌یه‌ و خۆیان بۆ پۆستی سه‌رۆك وه‌زیران ناپاڵێون.

سه‌ره‌ڕای ئه‌و لێدوانانه‌ی ئه‌و سه‌ركرده‌ی ده‌وڵه‌تی یاسا دووپاتی كردوه‌ته‌وه‌: هاوپه‌یمانیه‌تیه‌كان و بۆچوونه‌ سیاسیه‌كان به‌رده‌وام ده‌بن بۆ ئه‌وه‌ی بتوانرێت حكومه‌تێكی تۆكمه‌ی خزمه‌تكاری عیراق پێكبهێنرێت.

له‌هه‌ڵبژاردنی 2014 نوری مالكی 94 كورسی په‌رله‌مانی عیراقی به‌ده‌ستهێنا، به‌ڵام له‌م هه‌ڵبژاردنه‌دا بۆ 26 كورسی دابه‌زیوه‌.

PUKmedia  ئاژانسه‌كان