پێ لەناو كەوشی سالم دا

.

پێ لەناو كەوشی سالم دا

د.شیركۆ عبدالله‌‌

عەزمی دڵی پڕ شۆرم بۆ دامەنی صەحرایە
مەقصەد تەنها دۆلارە ئەم شەڕ و ئەم هەرایە
+++
دوێنێ لە صەحنی چەمەن دلبەری من هات و چوو
دیسان سەنگەری گۆڕی، نەمزانی بۆچی وا زوو!
+++
گەرچی بە جان و بە دڵ لەم دەرە هەر تۆی دەخیل
كەمینەیەك قەپات و زوربەی میللەتیش زەلیل
+++
توركی پڕ ئەفسوونی چاوی كاری صەد جادوو دەكا
هەركەسێك بگرم بە یار دوای هەفتەیەك شوو دەكا
+++
قووتی رۆحە لێوەكەت یاقووت وەها ئاودار نییە
سەد كاندیدیان بۆ ژماردم یەكێكیان ناودار نییە
+++
چاوەكەت وەختێ بە ئیما مەیلی جامی مەی دەكا
حەشرێكی سەیرە حكومەت دائیم بە ئێمەی دەكا
+++
لەجێی تیرت دڵم دەردێ لە سینەم
وتم ئیشت؟ وتی عەدەد مەسینەم
+++
من دەمێكە خۆ لە خووی یاری قەدیمم شارەزام
بۆیە مەفتون و مەقتولی شیعرەكانی شێخ رەزام
+++
شوعلەوەر نابێ چرای شادی لەبەر بادی فیراق
كەی نەجاتمان دێ لەدەستی باوەپیارەكەی عێراق
+++
حەریصانی ئەمەل هەرگیز بە ئاوی جیفە پڕ نابن
مریشكی سەربەخۆییمان بە سەد ساڵی تر كڕ نابن