خوارده‌مه‌نی له‌ قتونراوه‌كان ده‌بنه‌ هۆی شێرپه‌نجه‌؟

.

خۆراكه‌ له‌قوته‌و نراوه‌كان به‌ شێوه‌یه‌كی به‌رچاو رۆژانه‌ له‌ ژه‌مه‌ خۆراكه‌كانماندا به‌كاریده‌هێنین،ئه‌م خۆراكانه‌ به‌ تامن و خێرا ئاماده‌ ده‌كرێن، ئه‌مه‌ش له‌گه‌ڵ رۆتیناتی ژیانمان زۆر گونجاوه‌ كه‌ رۆژانه‌ كاره‌كانمان سه‌رقاڵی كردوین و كاتێكی ئه‌وتۆمان نیه‌ بۆ دروستكردنی خۆراك، به‌ڵام له‌گه‌ڵ ئه‌مه‌شدا ئایا ئه‌م خواردنانه‌ به‌ سودن یان زیان به‌ ته‌ندروستیمان ده‌گه‌یه‌نن، ئایا ڕاسته‌ ده‌بنه‌ هۆی توشبونمان به‌شێرپه‌نجه‌؟

پیش وه‌ڵامدانه‌وه‌ی ئه‌و پرسیاره‌ با بزانین خوارده‌مه‌نی له‌قتونراو چ خۆراكێك ده‌گرێته‌وه‌:

خوارده‌مه‌نی له‌قتونراو هه‌موو ئه‌و خواردنانه‌ ده‌گرێته‌وه‌ كه‌ به‌هۆی پله‌ی گه‌رمی و كیماوییه‌وه‌ دروستكراون و پاشانیش شه‌كر و ڕۆنیان به‌سه‌ردا ده‌كرێت، دواتر ده‌كرێنه‌ قتوو یان پلاستیك یان نایلۆنه‌وه‌ و وه‌ك خۆراكێكی خێرا به‌كارده‌هێنرێت له‌ ژه‌مه‌ خۆراكه‌كانماندا.

په‌یوه‌ندی خۆراكی دروستكرا و شێرپه‌نجه‌ چیه‌؟

توێژینه‌وه‌یه‌كی زانكۆی سۆربۆن له‌ پاریس كه‌ زیاتر له‌ 10 هه‌زار كه‌س به‌شداری تێدا كردووه‌، ده‌ركه‌وتوه‌ په‌یوه‌ندیه‌ك له‌ نێوان ئه‌م خۆراكانه‌و شێرپه‌نجه‌دا هه‌یه‌، بۆیه‌ توێژه‌ره‌وان هۆشداری ده‌ده‌نه‌ گشت لایه‌ك كه‌ زیاده‌ڕه‌وی نه‌كه‌ن له‌ خواردنی ئه‌م جۆره‌ خۆراكانه‌،چونكه‌ ده‌بنه‌ هۆی توشبون به‌ شێرپه‌نجه‌، به‌ تایبه‌ت شێرپه‌نجه‌ی مه‌مك.

توێژینه‌وه‌كه‌ ته‌مه‌نه‌ جیاوازه‌كان و ئه‌و خێزانانه‌ی كه‌ چه‌ندین كه‌سیان توشی شێرپه‌نجه‌ بووه‌ له‌ خۆ گرتووه‌،توێژه‌ره‌وان به‌ كورتی ئاشكرایان كردووه‌ كه‌ خواردنی خۆراكی له‌قتو نراو به‌ ڕێژه‌ی له‌ سه‌دا 10 ده‌بێته‌ هۆی توشبونمان به‌ رێژه‌ی له‌ سه‌دل 12،ئاماژه‌ به‌وه‌ش ده‌كه‌ن هه‌تا خۆراكه‌كه‌ زیاتر دروستكراو بێت توشبون به‌ شێرپه‌نجه‌ زیاتر ده‌كات، بۆ نمونه‌ خه‌یاری ئاماده‌كراو یان نانی له‌ نایلۆن كراو مه‌ترسیان كه‌متره‌ له‌و خۆراكانه‌ی كه‌ زۆر كه‌ره‌سته‌ی كیماوی گه‌رمیان تێدا به‌كارهاتووه‌.

له‌ كۆتایدا توێژه‌ره‌وان رێنمایمان ده‌كه‌ن كه‌ ئه‌و خۆراكانه‌ كه‌متر به‌كاربهێنین و هه‌وڵ بده‌ین له‌ ماڵه‌وه‌ خۆراك دروست بكه‌ین، هه‌روه‌ها له‌ ژه‌مه‌ خۆراكه‌كانماندا خواردنی تازه‌ ( فرێش) به‌كاربهێنین.

PUKmedia و/ گۆران قادر
س: الدیار