ھاوپه‌یمانی نه‌سر واده‌ی پێكھێنانی كابینه‌ی نوێ ئاشكراده‌كات

.

ھاوپه‌یمانی نه‌سر رایگه‌یاندوه‌: دوای پشووی جه‌ژنی ره‌مه‌زان كابینه‌ی نوێی حكومه‌ت پێكده‌ھێنرێت.

عه‌باس به‌یاتی سه‌ركرده‌ی ھاوپه‌یمانی نه‌سر كه‌ له‌لایه‌ن حه‌یده‌ر عه‌بادییه‌وه‌ سه‌رۆكایه‌تی ده‌كرێت، رایگه‌یاند: دوای پشووی جه‌ژنی ره‌مه‌زان كابینه‌ی نوێی حكومه‌تی عیراق پێكده‌ھێنرێت.

به‌یاتی له‌لێدوانێكی رۆژنامه‌وانیدا ئاماژه‌ی به‌وه‌كردوه‌، ھاوپه‌یمانی نه‌سر سه‌ركه‌وتنێكی گه‌وره‌ی له‌ ھه‌ڵبژاردنه‌كه‌دا به‌ده‌ستھێناوه‌و ھێڵی سووری بۆ ھیچ لایه‌نێكی سیاسی نییه‌ له‌دانوستانه‌كانی پێكھێنانی حكومه‌تداو ئاماده‌یه‌ دانوستان له‌گه‌ڵ سه‌رجه‌م ھاوپه‌یمانێتی و لایه‌نه‌كاندا بكات.

جه‌ختیكردوه‌ته‌وه‌، حكومه‌تی نوێی عیراق حكومه‌تێكی ته‌كنۆكرات ده‌بێت و پێكھێنانی ھاوپه‌یمانی له‌نێوان لایه‌نه‌كان به‌ ڕه‌چاوكردنی ژماره‌ی كورسییه‌كان و دووركه‌وتنه‌وه‌ له‌ موحاسه‌سه‌ ده‌بێت.

PUKmedia ئاژانسه‌كانی عیراق