كۆمسیۆن: هیچ لایه‌نێك ناتوانێت ده‌ستكاری ئه‌نجامه‌كان بكات

.

كۆمسیۆنی باڵای سه‌ربه‌خۆی هه‌ڵبژاردنه‌كانی عیراق رایده‌گه‌یه‌نێت، هیچ لایه‌نێك له‌ سلێمانی یاری به‌ ده‌نگه‌كان نه‌كردوه‌و كۆده‌كانیش له‌لایه‌ن كۆمسیۆنه‌وه‌ پارێزراوه‌.

له‌ كۆنگره‌یه‌كی رۆژنامه‌نووسیدا، سه‌رۆك و ئه‌ندامانی كۆمسیۆنه‌كه‌ ئاشكرایانكرد، كه‌ رێژی به‌شداریكردنی ده‌نگده‌ران له‌ پرۆسه‌ی هه‌ڵبژاردنی 12 ی ئایاردا له‌ 44% بووه‌و رایانگه‌یاند: به‌ هه‌موو شێوه‌یه‌ك رێگری له‌ هاككردن یاخود ده‌ستوه‌ردان كراوه‌.

راشیانگه‌یاند: ئه‌و ده‌نگۆیانه‌ی له‌ هه‌ندێك كه‌ناڵه‌وه‌ سه‌باره‌ت به‌ گومان له‌سیستمه‌كه‌ بڵاوده‌كرێته‌وه‌ دوورن له‌ راستییه‌وه‌و ته‌ئكدیشیانكرده‌وه‌ كه‌ سیستمه‌كه‌ پارێزراوه‌و ناتوانرێت ده‌ستكاری بكرێت و ئه‌نجامی به‌رایی هه‌ڵبژاردنه‌كان  كه‌ له‌ 48 سه‌عاتی داهاتوودا راده‌گه‌یه‌نرێت رای دته‌واوی ده‌نگده‌ران ده‌بێت.

وتیشیان: له‌ 92% ی ده‌نگه‌كان جیاكراونه‌ته‌وه‌و دووباره‌ به‌راورد ده‌كرێنه‌وه‌ بۆ ئه‌وه‌ی ئه‌نجامه‌كان باوڕپێكراوبن و روونیشیكرده‌وه‌ ئه‌نجامانه‌ی كه‌ لایه‌ن بریكاری لایه‌نه‌كانه‌وه‌ بڵاوده‌كرێنه‌وه‌ ناره‌سمین.

PUKmedia تایبه‌ت