یه‌كێتی مژده‌ی سه‌ركه‌وتنی راگه‌یاند

.

دوای كۆتایی هاتنی هەڵبژاردنەكانی پەڕلەمانی عیراق بەپێی ئامارە نارەسمییەكان یەكێتیی نیشتمانیی كوردستان مژدەی سەركەوتنی بە لایەنگرانی یەكێتی و خەڵكی كوردستان راگەیاند.

بۆ كەناڵەكانی راگەیاندن هەریەك لە حاكم قادر حەمەجان لێپرسراوی هەردوو مەڵبەندی سلێمانی و چەمچەماڵ و لاهور شێخ جەنگی و شێخ جەعفەر شێخ مستەفا مژدەی سەركەوتنی یەكێتیان بە لایەنگران و خەڵكی هەرێمی كوردستان راگەیاند.

لەوبارەیەوە حاكم قادر رایگەیاند: پیرۆزبایی لەسەرجەم خەڵكی كوردستان و لایەنگرانی یەكێتیی نیشتمانیی كوردستان دەكەم و بەڵێنیان پێدەدەدین كە یەكێتی لەجاران زیاتر خەمخۆریان بێت و لە ئاست ئەو متمانەیەیا بێت كە پێیان دراوە.

وتیشی: لەمڕۆ بەدواوە یەكێتی ئەركی قورستر دەبێت و هەموو هەوڵێك دەدات لە پێناو باشكردنی بژێوی ژیانی هاوڵاتیان و بەدەمەوە چوونی داواكارییەكان.

PUKmedia  تایبەت