riklam

كشانه‌وه‌ی ترامپ له‌ به‌رنامه‌ ئه‌تۆمیه‌كه‌ی ئێران سعودیه‌ سودمه‌ند ده‌كات

ئابوری 10:46 PM - 2018-05-09
.

.

 

ده‌رچوونی ویلایه‌ته‌ یه‌كگرتووه‌كانی ئه‌مریكا له‌ڕێكه‌وتنی به‌رنامه‌ ئه‌تۆمیه‌كه‌ی له‌گه‌ڵ ئێراندا ده‌بێته‌ هۆی ئه‌وه‌ی كه‌ ئه‌و وڵاته‌ مانگانه‌ نزیكه‌ی 6 ملیار دۆلار زیانی پێبگات و چه‌ند وڵاتێكی تریش سودمه‌ندی ئه‌م بڕیاره‌ ده‌بن كه‌ سعودیه‌ به‌ پله‌ی یه‌كه‌م سوده‌مه‌نترین وڵات ده‌بێت.

رۆژنامه‌ی وۆڵ ستریت جۆرناڵی ئه‌مریكی ئه‌مڕۆ 9-5-2018 ئاشكرایكرد، سعودیه‌ به‌ڵێنیداوه‌ هاوكاری بازاڕی نێوده‌وڵه‌تی نه‌وت بكات، ئه‌م بڕیاره‌ی سعودیه‌ش دوای چوونه‌ ده‌ره‌وه‌ی دۆناڵد ترامپ بوو له‌ رێكه‌وتنه‌مه‌ ئه‌تۆمیه‌كه‌ی له‌گه‌ڵ ئێراندا.

دۆناڵد ترامپ دوێنی 8/5/2018 بڕیاری دا له‌ ڕێكه‌وتنامه‌كه‌ بكشێته‌وه‌ و به‌ڵێنیشی دا كه‌ چه‌ندین سزای نوێ به‌سه‌ر ئێراندا بسه‌پێنێت.

سزادانی ئه‌مریكا به‌سه‌ر ئێراندا به‌ واتای وه‌ستانی ته‌واوی نه‌وتی ئێران دێت بۆ ده‌ره‌وه‌ی وڵات، به‌پێی خه‌مڵێنراوه‌كان ئێران رۆژانه‌ 2.7 ملیۆن به‌رمیل نه‌وت ره‌وانه‌ی ده‌ره‌وه‌ ده‌كات.

 به‌پێی دواین نرخی جیهانی ئێستا نرخی به‌رمیلێك نه‌وتی مام ناوه‌ند 75 دۆلاره‌، ئه‌مه‌ش واتای ئه‌وه‌یه‌ كه‌ ئێران رۆژانه‌ 202 ملیۆن دۆلاری له‌ فرۆشتنی نه‌وت ده‌ست ده‌كه‌وێت، كه‌ مانگانه‌ ده‌گاته‌ 6 ملیار دۆلار، ئه‌مه‌ش له‌ ئه‌گه‌ری سزادانی واتای ئه‌وه‌یه‌ كه‌ ئێران هه‌موو ئه‌و پاره‌یه‌ له‌ ده‌ست ده‌چێت كه‌ به‌هۆی فرۆشتنی نه‌وته‌وه‌ ده‌ست ده‌كه‌وێت.

 له‌ كۆتایدا رۆژنامه‌كه‌ ئاماژه‌ی بۆ ئه‌وه‌ كردوه‌، به‌ڵێنی سعودیه‌ به‌ پڕكردنه‌وه‌ی به‌شه‌ نه‌وتی ئێران، ده‌بێته‌ هۆی ئه‌وه‌ی كه‌ سزاكه‌ به‌ ئاسانی جێبه‌جێ بكرێت ، به‌بێ ئه‌وه‌ی هیچ زیانێك به‌ر بازاری جیهانی نه‌وت بكه‌وێت، به‌مه‌ش سعودیه‌ قازانجی ئێران بۆخۆی ده‌بات.

PUKmedia  و/ گۆران قادر

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket