شوكری خوا بكە

.

شوكری خوا بكە

د.شیركۆ عبدالله‌‌

× ئەمریكا مایك ئەكات بە وەزیر ئێمە ئەیكەین بە یەخەی موزیعەوە.
× جاران چەكیان دروست ئەكرد بۆ ئەوەی شەڕی پێ‌ بكەن، ئێستا شەڕ هەڵئەگیرسێنن بۆ ئەوەی چەك بفرۆشن.
× نیچە ئەڵێ‌ فەرقی ئینسان و مانگا ئەوەیە مانگا ئەزانێ‌ چۆن بژی.
× كورد نییە خزمێكی ئاسایش نەبێ‌.
× جۆرێك بژی كە فریشتەی سەر شانی راستت ئۆڤەرتایم وەربگرێت و ئەوەی سەر شانی چەپت بە فائیض بنووسرێ‌.
× ژنی كورد كە ئەتۆرێ‌ چێشتەكە لێ‌ ئەنێ‌ بەڵام خۆی نایخوا.
× كە گەیشتیتە خاریج نیشتمانت بیرنەچێ‌، هەموو سەری سەعاتێك شوكری خوا بكە كە نەجاتت بوو لێی.
× بە دكتۆرم وت تۆ بڵێی كەئابەم نەبێ‌؟ وتی چۆن نیتە خۆ لە ماڵدیف ناژیت.
× ئیحتیمالی ئەوەی لیستی هاوپەیمانی لە بادینان یەكەم بێ‌، بەقەد ئیحتیمالی ئەوەیە من ببم بە مودەڕیبی بەرشەلۆنە.
× كورتەی هەواڵەكانی هەرێم: شەڕەدەنووك.
× ئینسان هەتا بچووك نەبێ‌ گەورە نابێ‌.
× ئەگەر بەحسابی ئامارە غەڵەتەكانی بێ‌ وەزیری سامانە سروشتییەكانە.
× كابرا ئەوەندە موسەقەفە بە باوێشك ئەڵێ‌ یۆگای دەموچاو.
× ئینسانی ئاقڵ دوو شت ناشكێنێ‌: دڵی ژن و پۆرتی پیاو.
× هەرگیز متمانە بە كەسی نەباتی مەكە، كەسێك بتوانێ‌ واز لەو گۆشتە خۆشە بێنێ‌ بە ئاسانی واز لە تۆش دێنێ‌.