دەنگم بەنێ‌

.

دەنگم بەنێ‌

د.شیركۆ عبدالله‌‌

بە وەعد گوێتان كەڕ ئەكەم
داعش هات هەر خۆم شەڕ ئەكەم
دەنگم بەنێ‌ خێرتان ئەگات
خۆشترین سواڵ سواڵی دەنگە
زۆر لە مێژە
من خەریكی ئەم خەڕەكەم
*****
دەنگم بەنێ‌
خەونی رەنگاوڕەنگی گەنجم
بۆ عەمەلیات وەكو بەنجم
دەنگم بەنێ‌
من لە سوئالی ئیحراجا
وەستای رەنجم
*****
دەنگم بەنێ‌
ئەوان چاویان بۆ بینینە
ئێمە گریەو فرمێسك رشتن
دەنگم بەنێ‌
دەنگی ئێوە یەعنی نەخێر
لە سەیرانا
بۆ خۆڵڕشتن
*****
ئەگەر ئێوە دەنگم بەنێ‌
مەعاشتان ئەكەم بە دەبڵ
ورگی ناحەزتان بە تەڵڵ
جامتان بۆ ئەكەم بە سەتڵ
خورما ئەڕوێنم بە شەتڵ
*****
من ڵاشماوەی رەنجە خەسارەكەی ئێوەم
وەك نانەوا
وەكو دەلاك
موعەدەل هەروا بە ڵێوەم
عەینەن گەڵای رجاكانتان
زەردە شێوەم
دەنگم بەنێ‌
تا دوعاتان موستەجاب بێ‌
ژن و كچتان بە حیجاب بێ‌
*****
دەنگم بەنێ‌
دەنگتان سوڵتان و غازییە
خۆی عادیلترین قازییە
قیروسیا بكەو دەنگم بەرێ‌
مەڵێ‌ ویژدان
ناڕازییە.