حاكم قادر: با ده‌نگتان بۆ لیسته‌كه‌ی خۆتان 162 بێت

.

سه‌رله‌ئێواره‌ی ئه‌مڕۆ 29-4-2018 به‌مه‌به‌ستی گوێگرتن له‌داواو پێشنیازه‌كانیان ودۆزینه‌وه‌ی ڕێگاچاره‌ی گونجاو بۆچاره‌سه‌ركردنی گرفته‌كانیان به‌تایبه‌ت له‌گه‌ڵ ده‌زگاحكومییه‌ په‌یوه‌ندیداره‌كان له‌پارێزگای سلێمانی , له‌هۆڵی كۆبونه‌وه‌كانی مه‌ڵبه‌ندی رێكخستن , حاكم قادرحه‌مه‌جان ئه‌ندامی مه‌كته‌بی سیاسی وسه‌رپه‌رشتیاری هه‌ردوو مه‌ڵبه‌ندی ڕێكخستنی سلێمانی وچه‌مچه‌ماڵی یه‌كێتیی نیشتمانیی كوردستان , له‌گه‌ڵ سه‌رجه‌م خاوه‌ن موه‌لیده‌ ئه‌هلییه‌كانی ناوشاری سلێمانی كۆبۆوه‌.

له‌كۆبونه‌وه‌كه‌دا پاش گوێگرتن له‌كێشه‌و گرفته‌كانیان له‌ میانه‌ی وته‌یه‌كیدا ستایشی ئه‌رك وماندوبوونی هه‌موو ئه‌وكرێكاروته‌كنیكارانه‌ی كرد كه‌بۆ ڕووناككردنه‌وه‌و گه‌یاندنی كاره‌با وه‌ك گرنگترین خزمه‌تگوزاری شه‌وڕۆژ ده‌خه‌نه‌سه‌ریه‌ك و هاوكارێكی چالاك ویارمه‌تیده‌ری حكومه‌تی هه‌رێم بوون وڕایگه‌یاند: یه‌كێتیی نیشتمانیی كوردستان وه‌ك حزبێكی پشتبه‌ستو به‌پڕانسیبه‌كانی به‌رنامه‌و خه‌بات وتێكۆشان بۆبه‌ده‌ستهێنانی مافه‌كانی ڕنجده‌رانی هێزوبازو , كاریگه‌ری خاوه‌ن پێگه‌ وبه‌شدار له‌كابینه‌كانی حكومه‌تی هه‌رێم , هه‌رده‌م هاوسۆزوهاوكاری پیشه‌وه‌روئه‌هلی كه‌سه‌به‌ بووه‌و بۆبه‌ده‌ستهێنانی مافه‌كانیان بێدرێغ پشتگیرو پاڵپشتیان بووه‌و ووتی بۆ قۆناغی داهاتووی خه‌باتی شارستانی له‌پرۆسه‌ی هه‌ڵبژاردندا ده‌نگ به‌لیستی(162)ی یه‌كێتی یه‌كه‌تان بده‌ن .

هه‌ر ئه‌مڕۆ حاكم قادرحه‌مه‌جان, به‌ئاماده‌بونی هه‌ردوو سه‌رۆكی زانكۆكانی ( سلێمانی وپۆلۆته‌كنیك ) له‌گه‌ڵ كادیروڕێكخستنه‌كانی مامۆستایانی هه‌ردوو زانكۆكه‌ كۆبۆوه‌ , له‌وته‌یه‌كیدا پاش رێزلێنان له‌گیانی پاكی شه‌هیدان وناساندنی كاندیده‌كانی لیستی (162)ی یه‌كێتی , حاكم قادر وته‌یه‌كی پێشكه‌ش به‌ئاماده‌بووان كردو تیایدا وه‌ك باڵاترین توێژی كۆمه‌ڵگا بۆدواویستگه‌ی خوێندن وگه‌شه‌دان به‌زانست , وتی ئێوه‌ی هه‌ڵگرانی مه‌شخه‌ڵی زانست وپێشكه‌وتن جێی ستایشی میلله‌ته‌كه‌مانن به‌گشتی ویه‌كێتیی نیشتمانیی كوردستان وه‌ك حزبێكی پێشكه‌وتنخواز به‌تایبه‌تی وڕۆڵی دیاروبه‌رچاویانی له‌پێگه‌یاندنی كادیری زانستی وئه‌كادیمی به‌رز نرخاندو له‌به‌ره‌وپێشچوونی هه‌رێمه‌كه‌مان جێده‌ستیان تۆمارێكی پرشنگداره‌ , له‌به‌شێكی دیكه‌ی وته‌كه‌یدا باسی هه‌ڵكشانی یه‌كێتی له‌سه‌رجه‌م شاروشارۆچكه‌كانی كوردستان كرد و داوای لێكردن به‌هه‌مان جۆش وخرۆشه‌وه‌ هه‌موو پێكه‌وه‌ هه‌روه‌ك چۆن له‌داهێنانه‌كانی ڕابردوودا له‌سه‌رجه‌م بواره‌كانی (سیاسی , كۆمه‌ڵایه‌تی , په‌روه‌رده‌و فێركردن , ئاوێته‌به‌ خه‌بات وتێكۆشان پێشه‌نگ بووین ) , بۆ قۆناغی خه‌باتی شارستانی سه‌رده‌میانه‌ی داهاتووش له‌پرۆسه‌ی هه‌ڵبژاردندا له‌پێناو به‌ده‌ستهێنانه‌وه‌ی ئاینده‌یه‌كی ڕۆشنترو به‌ده‌ستهێنانی مافه‌ زه‌وتكراوه‌كانی گه‌له‌كه‌مان له‌خولی داهاتووی ئه‌نجومه‌نی نوێنه‌رانی عێراقدا , به‌ده‌نگدان به‌لیستی خۆتان لیستی (162)ی یه‌كێتی یه‌كه‌تان پێشه‌نگی یه‌كی نوێ بۆ سه‌رده‌مێكی نوێی هاوچه‌رخ تۆماربكه‌ن . 

PUKmedia تایبه‌ت