riklam

قوباد تاڵه‌بانی: له‌سه‌ر سندووقی ده‌نگدان وه‌ڵامی نه‌یاران ده‌ده‌ینه‌وه‌‌

ی.ن.ک‌‌ 10:42 AM - 2018-04-29
.

.

قوباد تاڵه‌بانی ڕایده‌گه‌یه‌نێت له‌ به‌غداوه‌ ده‌توانین كێشه‌ی مووچه‌چاره‌سه‌ر بكه‌ین و ماف و ده‌ستكه‌وته‌كانمان بپارێزین.

به‌یانی ئه‌مڕۆ 29-4-2018 قوباد تاڵه‌بانی به‌مه‌به‌ستی به‌سه‌ركردنه‌وه‌ی هه‌ڵمه‌ته‌كانی بانگه‌شه‌ی هه‌ڵبژاردنه‌كان و ناساندنی كاندیده‌كانی لیستی 162 یه‌كێتیی نیشتمانیی كوردستان گه‌یشته‌ قه‌زای چه‌مچه‌ماڵ .

سه‌ره‌تای مه‌راسیمه‌كه‌ به‌رزان ئه‌حمه‌د كورده‌ ئه‌ندامی سه‌ركردایه‌تی یه‌كێتیی نیشتمانیی كوردستان له‌ وته‌یه‌كدا داوای له‌ لایه‌نگر و ئه‌ندام و جه‌ماوه‌ری یه‌كێتی كرد به‌ گوڕ و تینه‌وه‌ به‌ره‌و سندووقه‌كانی ده‌نگدان بچن و ده‌نگ به‌ ڕێبازه‌كه‌ی سه‌رۆك مام جه‌لال بده‌ن.

پاش قوباد تاڵه‌بانی وته‌یه‌كی پێشكه‌ش كرد و ڕایگه‌یاند: له‌به‌غداوه‌ ده‌توانین كێشه‌ی مووچه‌ و چاره‌سه‌ر بكه‌ین و هه‌ر له‌ به‌غداشه‌وه‌ ده‌توانین ماف و ده‌ستكه‌وته‌كانمان بپارێزین و له‌په‌رله‌مانی عیراقه‌وه‌ ده‌توانین سنوور كوردستان دیاری بكه‌ین و مادده‌ی 140 جێبه‌جێ بكه‌ین.

قوباد تاڵه‌بانی سه‌باره‌ت پیلانه‌ له‌دژی یه‌كێتی وتیشی: ده‌بێت ئێوه‌ به‌ ده‌نگه‌كانتان هه‌موو ئه‌و گه‌له‌كۆمه‌كی و پیلانانه‌ی كه‌ نه‌یارانی یه‌كێتی له‌دژی یه‌كێتی گرتۆیانه‌به‌ر پوچه‌ڵ بكه‌نه‌وه‌ و له‌سه‌ر سندووقی ده‌نگدان وه‌ڵامی نه‌یاران بده‌نه‌وه‌.

وتیشی: یه‌كێتی ته‌نها یه‌ك مونافسی هه‌یه‌ و ئه‌ویش خودی یه‌كێتییه‌، وه‌رن یه‌كێتی له‌ناوه‌وه‌ ئاشت بكه‌نه‌وه‌، بیسه‌لمێنن كه‌ یه‌كێتی ته‌نها موڵكی یه‌كێتییه‌كان نییه‌ و حزبی هه‌مووانه‌، هه‌ر وه‌ك چۆن توانیتان به‌عس و داعش بشكێنن ئاواش ده‌توانن نه‌یاره‌كانی یه‌كێتی تێكبشكێنن.

سه‌باره‌ت به‌ ڕێبازی مام جه‌لالیش وتی: ڕاسته‌ من كوڕی مامم ، به‌ڵام مام جه‌لال مامی هه‌مووتان بوو، هه‌ربۆیه‌ ڕێبازی سه‌رۆك مام جه‌لال ون ناكه‌ین و ئێوه‌ش ڕێگه‌ ناده‌ن كه‌ ڕێبازه‌كه‌ی ون بێت.

PUKmedia  تایبه‌ت

فۆتۆ:عەدنان كەمال

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket