قوباد تاڵه‌بانی: ده‌یسه‌لمێنین كه‌ یه‌كێتی ئاینده‌ی ئه‌م گه‌له‌یه‌

.

قوباد تاڵه‌بانی له‌ كۆبوونه‌وه‌یه‌كی جه‌ماوه‌ریدا له‌ شاری ھه‌ڵه‌بجه‌ رایده‌گه‌یه‌نێت: ده‌یسه‌لمێنین یه‌كێتی ته‌نھا حزبی یه‌ك ناوچه‌ و شار نییه‌، به‌ڵكو ده‌یسه‌لمێنین كه‌ یه‌كێتی ئاینده‌ی ئه‌م گه‌له‌یه‌.

 ئه‌مڕۆ28-4-2018، به‌ مه‌به‌ستی پاڵپشتی له‌ ھه‌ڵمه‌ته‌كانی بانگه‌شه‌ی لیستی 162 ی یه‌كێتیی نیشتمانیی كوردستان، قوباد تاڵه‌بانی له‌ ھۆڵی بۆنه‌كانی شاری ھه‌ڵه‌بجه‌ له‌گه‌ڵ مه‌ڵبه‌ندی نوێی رێكخستنی شاره‌زووی یه‌كێتی له‌ ھه‌ڵه‌بجه‌ له‌ به‌رده‌م لایه‌نگرو جه‌ماوه‌ری یه‌كێتی كۆبووه‌وه‌و له‌ وته‌یه‌كیشدا رایگه‌یاند: دووپاتی بكه‌نه‌وه‌ كه‌ یه‌كێتی ئه‌و ھێزه‌یه‌ سه‌ری كۆمه‌ڵانی خه‌ڵك به‌رز ده‌كاته‌وه‌ و به‌ره‌و ئاماجێكی جوان و ئانیده‌یه‌كی گه‌ش ده‌بات.

راشیگه‌یاند: ئێوه‌ به‌رده‌وام بن و یه‌كێتی سه‌ر ده‌كه‌وێت، له‌ دوای ئه‌م ھه‌ڵبژاردنه‌ به‌ره‌و كۆنگره‌ ده‌ڕۆین و بیری خه‌ڵكی ده‌ھێنینه‌وه‌ كه‌ یه‌كێتی ته‌نھا حزبی یه‌ك شارو یه‌ك ناوچه‌ نییه‌، به‌ڵكو ده‌یسه‌لمێنین كه‌ یه‌كێتی ئاینده‌ی ئه‌م گه‌له‌یه‌.

PUKmedia تایبه‌ت