رێبوار ته‌ها: كه‌ركوك له‌به‌رده‌م هه‌ڵبژاردنێكی چاره‌نووسسازدایه‌

.

لیستی 162 یه‌كێتی لیستی كوردانی كه‌ركوك و هه‌مووان بۆ سه‌رخستنی ئه‌و لیسته‌ هه‌وڵبده‌ن چونكه‌ لیستی سه‌رۆك مام جه‌لاله‌.

پێشنیوه‌ڕۆی ئه‌مڕۆ 28-4-2018 ڕێبوار ته‌ها سه‌رۆكی لیستی 162 یه‌كێتیی نیشتمانیی كوردستان له‌پارێزگای كه‌ركوك له‌ كه‌رنه‌ڤاڵی ناساندنی كاندیده‌كانی لیستی 162 ی یه‌كێتیی نیشتمانیی كوردستان بۆ ئه‌نجومه‌نی نوێنه‌رانی عیراق ڕایگه‌یاند: به‌ دڵنیاییه‌وه‌ ئه‌م دۆخه‌ تێده‌په‌ڕیت و ئاوه‌دانی شاره‌كه‌مان ده‌گرێته‌وه‌ و ئه‌و هێزه‌ی كه‌ ئه‌و ئاوه‌دانییه‌ ده‌هێنێت ئاراوه‌ هێزی ده‌نگدانی ئێوه‌یه‌، ده‌نگبده‌ن به‌ لیسته‌كه‌ی مام لیستی 162یه‌كێتیی نیشتمانیی كوردستان.

 وتیشی: له‌ئێستادا گه‌له‌كه‌مان له‌به‌رده‌م مه‌ترسی و موئامه‌ره‌ی گه‌وره‌ دایه‌ و نه‌یاره‌كانمان له‌هه‌وڵی لاوازكردنی ده‌نگی گه‌له‌كه‌مان دان، بۆیه‌ باشترین وڵام بۆ دوژمنان و پوچه‌ڵكردنه‌وه‌ی هه‌وڵه‌ شكستخواردووه‌كانیان ده‌نگدانی ئێوه‌یه‌ و هاونیشتمانیان وشیاركه‌نه‌وه‌ له‌ ده‌نگدانیان له‌ ڕۆژی 12 ئایار دا، چونكه‌ ئه‌م هه‌ڵبژاردنه‌ چاره‌نووسسازه‌ و ده‌بێت به‌شدار بین.

ئاماژه‌ی به‌وه‌شدا كه‌ ئێمه‌ گومانمان نییه‌ له‌ دڵسۆزی ئێوه‌ كه‌ خه‌باتی خه‌باتی مه‌ده‌نی و پێشمه‌رگانه‌تان كردووه‌ و داواتان لێده‌كه‌ین هه‌وڵی سه‌رخستنی لیستی 162 یه‌كێتیی نیشتمانیی كوردستان بده‌ن كه‌ لیستی كوردانی كه‌ركوكه‌،ڕۆژ ده‌نگدان بكه‌ن به‌ كه‌رنه‌ڤاڵی سه‌ركه‌وتن بۆ گه‌له‌كه‌مان.

PUKmedia تایبه‌ت