ژنێك به‌ مردوویش پیرۆزبایی له‌ مێرده‌كه‌ی ده‌كات

.

"كاتی" ئه‌و ژنه‌ گه‌نجه‌ بوو كه‌له‌دوای مردنیشی به‌ نه‌خۆشی شێرپه‌نجه‌ به‌رده‌وام بوو له‌ناردنی پیرۆزبابی ساڵانه‌ بۆ جه‌ژنی له‌دایكبونی مێرده‌كه‌یی و به‌وشێوه‌یه‌ هه‌ندێكجار ئه‌و حاڵه‌ته‌ی لای "كریس"ی هاوسه‌ری دروستده‌كرد كه‌هه‌ست بكات له‌ماڵه‌كه‌دایه‌ له‌كاتێكدا كه‌ماڵه‌كه‌ی به‌ره‌و گۆڕستان به‌جێ هێشتبوو.

ماوه‌یه‌ك به‌ر له‌ئێستا ڕۆژنامه‌ی "بیڵد"ی ئه‌ڵمانی چیرۆكی سه‌یری ئه‌م ژنه‌ عاشقه‌ جوانه‌مه‌رگه‌ی خسته‌ڕوو كه‌ڕۆژنامه‌ی"دیلی میل"ی به‌ریتانی بڵاویكردبوه‌وه‌و تیایدا هاتبوو ژنێكی به‌ریتانی كه‌ دوساڵ بوو مردبوو له‌گۆڕه‌كه‌یه‌وه‌ به‌رده‌وام بوو له‌ناردنی كارتی پیرۆزبایی بۆ جه‌ژنی له‌دایكبونی هاوسه‌ره‌كه‌ی.

"كاتی" كه‌پیشه‌ی"دكتۆره‌"بووه‌ له‌ حه‌ڤده‌هه‌مین ساڵیادی هاوسه‌رگیریاندا له‌2016داو له‌ته‌مه‌نی 34 ساڵیدا به‌نه‌خۆشی شێرپه‌نجه‌ كه‌هیچ بوارێكی تیانه‌مابوه‌وه‌ بۆچاره‌سه‌ركۆچی دوایی كردبوو.

پێگه‌ی"دیلی میل"نوسیویه‌تی به‌ر له‌كۆچی دوایی "كاتی"27 كارتی پیرۆزبایی بۆ جه‌ژنی له‌دایكبوونی هاوسه‌ره‌كه‌ی نوسیوه‌و كۆمه‌ڵێ موفاجه‌ئه‌ی بۆ 11 ساڵی داهاتووی ئاماده‌كردووه‌ به‌شێوه‌یه‌ك كه‌"كریست بۆینت"ی هاوسه‌ری پێشوازی له‌و نامانه‌ بكات كه‌ خێزانه‌كه‌ی به‌بۆنه‌ی جه‌ژنی له‌دایكبونیه‌وه‌ بۆی ده‌نێرێت تا ته‌مه‌نی ده‌گاته‌ 65 ساڵی.

ئه‌و سه‌رچاوه‌یه‌ ده‌ڵێ"كریس"ی مێردی ئه‌م هه‌فته‌یه‌ به‌بۆنه‌ی 40 ساڵه‌ی جه‌ژنی له‌دایكبونیه‌وه‌ نامه‌یه‌كی پێگه‌یشت دوای ئه‌وه‌ی كه‌نامه‌كه‌ی خوێندۆته‌وه‌ هه‌ستی به‌ خۆشحاڵیه‌كی یه‌كجار گه‌وره‌كردوه‌.

له‌نامه‌كه‌دا هاتووه‌ (بۆ ئازیزم "كریس" ئێستا ته‌مه‌نت بووه‌ به‌ 40 ،ئایا قژت هه‌ڵوه‌ریوه‌؟ له‌كۆتاییدا نوسیویه‌تی زۆرم خۆش ئه‌وێیت و هه‌ر به‌وخۆشه‌ویستیه‌ بۆت ده‌مێنمه‌وه‌.

هه‌ر له‌سه‌ر ئه‌م بابه‌ته‌ ڕۆژنامه‌ی""بیڵد"ی ئه‌ڵمانی ڕوونیكردۆته‌وه‌ "كریس"ی هاوسه‌ری له‌ماڵه‌كه‌یدا كارتۆنێكی دۆزیوه‌ته‌وه‌ كه‌له‌ژێر ته‌ختی خه‌وتنه‌كه‌یداندا بووه‌ "كاتی" هاوسه‌ری به‌شێوه‌یه‌ك دایناوه‌ كه‌نه‌توانرێ ببینرێت تیایدا ئه‌و نامانه‌ به‌پیی ساڵ و ڕۆژه‌كان كاته‌كانی دیاریكراوه‌و ڕیزبه‌ندی بۆ كراوه‌ تاله‌كاتی خۆیاندا پێی بگات لێشی نوسراوه‌ هه‌ر نامه‌یه‌ك له‌كاتی خۆیدا ده‌خوێندرێته‌.

 وه‌ك سایته‌كه‌ ده‌ڵێ هه‌ربه‌و شێوه‌یه‌ له‌یه‌كه‌مین پۆستی ڕیزبه‌دكراودا"كریس"یه‌كه‌مین نامه‌ی ڕۆژی دوای مردنی  ژنه‌كه‌ی پێگه‌یشتوه‌و دوای هه‌فته‌یه‌كیش له‌مردنه‌كه‌ی دوه‌مین نامه‌ی پێده‌گات كه‌ورده‌كاری ناشتنه‌كه‌ی باس ده‌كات "كاتی" ساڵی 2011 له‌كاتێكدا كه‌له‌پشوی هاوینه‌دا ده‌بێ له‌كالیفۆرنیا و دوای ئه‌وه‌ی كه‌هه‌ست به‌ئازارێكی زۆر ده‌كات له‌پشتیدا دواتر بۆی ده‌رده‌كه‌وێ توشی شێرپه‌نجه‌ بووه‌ هه‌موو هه‌وڵه‌كانی هاوسه‌ره‌كه‌شی بۆ سه‌ركه‌وتن به‌سه‌ر ئه‌و نه‌خۆشیه‌ی هاوسه‌ره‌كه‌یدا شكست ده‌هینێ وهیوایه‌ك بۆ ژیانی نامێنێ،"بیڵد"نوسیویه‌تی"خاتوو كاتی گرانگر" ئیلهامی ئه‌و نامانه‌ی كه‌بۆ "كریسی"هاوسه‌ری نوسیوه‌و به‌بۆنه‌ی رۆژی له‌دایكبونیه‌وه‌ ناردویه‌تی له‌فیلمی به‌ناوبانگی ئه‌مریكی P.S I love you وه‌ وه‌ریگرتووه‌.

PUKmedia شیهاب عوسمان – ئه‌ڵمانیا