یەکێتی: تەشھیرمان بکەن گوڵبارانتان ناکەین

.

وتەبێژی مەکتەبی سیاسی یەکێتیی نیشتمانیی کوردستان رایدەگەیەنێت: یەکێتی بانگەشەیەکی شارستانی و ھێمنانە دەکات و ئەگەر لە بانگەشەدا ھێرش بکرێتە سەر یەکێتی، گوڵبارانی بەرامبەر ناکەن و وەڵامیان دەبێت.

سەعدی ئەحمەد پیرە وتەبێژی مەکتەبی سیاسی یەکێتیی نیشتمانیی کوردستان لە مەراسیمی ناساندنی کاندیدانی لیستی ١٦٢ی یەکێتی بۆ پارێزگای نەینەوا رایگەیاند: یەکێتی بانگەشەیەکی شارستانیی نەرم دەکات و ھێرش ناکەنە سەر ھیچ لایەنێک.

ئاماژەی بەوەشکرد، ئەگەر ھێرش بکرێتە سەر یەکێتی و  تەشھیر بکرێت، یەکێتی وەڵامی دەبێت و کەس گوڵباران ناکات.

وتەبێژی یەکێتی وتیشی: یەکێتی لەھەر شوێنێک بێت ئازادی و دیموکراسی لەوێ بووە.

وتەبێژی یەکێتی لەبارەی ئەنجامدانی ساختەکاری ھۆشداریداو داوای لە سەرجەم دانیشتووانی ئەو ناوچانە کرد بەشداری دەنگدان بکەن، بۆ ئەوەی بەناوی ئەوانەوە دەنگ نەدرێت.


PUKmedia