بۆ دڵێكی ته‌ندروست ئه‌م رێنماییانه‌ جێبه‌جێ بكه‌

.

دڵ گرنگترین ئه‌ندامی زیندووی جه‌سته‌ی مرۆڤه‌، زیاتر په‌یوه‌سته‌ به‌ژیانی رۆژانه‌مانه‌وه‌، كۆمه‌ڵێك مامه‌ڵه‌ی هه‌ڵه‌ كاریگه‌ری راسته‌وخۆی ده‌بێت له‌سه‌ر دڵ و توشی چه‌ندین نه‌خۆشی ده‌كات، بۆ پاراستنی دڵ له‌نه‌خۆشییه‌كان ئه‌م چه‌ند رێنماییه‌ی خواره‌وه‌ جێبه‌جێ بكه‌:

1- له‌ دڵه‌ڕاوكێ و خه‌م به‌دووربه‌، سووربه‌ له‌سه‌رئه‌وه‌ی كه‌ كه‌سێكی پۆزه‌تیڤ بیت، گه‌شبینی مه‌ترسییه‌كانی توشبوون به‌نه‌خۆشییه‌كانی دڵ كه‌مده‌كاته‌وه‌.

2- ئه‌و خۆراكانه‌ بخۆ كه‌ خوێنبه‌ره‌كان فراوان ده‌كات و فشاری خوێن و رێژه‌ی كۆلیسترۆڵ داده‌به‌زێنێت، بۆ گه‌یشتن به‌م خاڵه‌ میوه‌و سه‌وزه‌و خۆراكه‌ پاقله‌مه‌نییه‌كان بخۆ.

3- ئه‌و خواردنانه‌ی كه‌ رێژه‌یه‌كی زۆر له‌چه‌وریان تێدایه‌ بگۆڕه‌ به‌و خۆراكانه‌ی كه‌متر چه‌وریان تێدایه‌، وه‌ك زه‌یتی زه‌یتون و زه‌یتی گوڵه‌به‌ڕۆژه‌.

4- تێرخه‌و به‌، هه‌وڵبده‌ به‌شێوه‌یه‌كی رێكخراو خه‌وت رێكبخه‌یت، خه‌وتنی شه‌وان به‌شێوه‌یه‌كی ته‌ندروست به‌هێزترین چه‌كه‌ بۆ روبه‌ڕووبونه‌وه‌ی نه‌خۆشییه‌كانی دڵ، چونكه‌ جه‌سته‌ به‌خه‌و ئارام ده‌بێته‌وه‌و به‌شه‌كانی چالاك ده‌بنه‌وه‌.

5- هه‌وڵبده‌ رێژه‌ی شه‌كر له‌خوێندا زیادنه‌كات، ئه‌میش به‌خواردنی هاوسه‌نگ دێته‌كایه‌وه‌.

6- جگه‌ره‌ مه‌كێشه‌، جگه‌ره‌كێشان ده‌بێته‌ هۆی به‌رزبوونه‌وه‌ی فشاری خوێن و گیرانی خوێنبه‌ره‌كان، هۆكاری ئه‌مه‌ش بۆ ئه‌وه‌ ده‌گه‌ڕێته‌وه‌ كه‌ جگه‌ره‌ رێژه‌یه‌كی زۆر له‌نیكۆتینی تێدایه‌، به‌مه‌ش مولوله‌كانی خوێن ده‌گرێت به‌خوێنبه‌ره‌كانی دڵیشه‌وه‌.

7- له‌كهول دووربكه‌وه‌ره‌وه‌، خواردنی مادده‌ كهولییه‌كان ده‌بێته‌ هۆی زیادبوونی لێدانی دڵ، ئه‌م زیادبوونه‌ش ده‌بێته‌ هۆی جه‌ڵده‌ی دڵ.

8- پارێزگاری له‌كێشت بكه‌، هه‌وڵبده‌ كێشێكی هاوسه‌نگت هه‌بێت و مه‌هێڵه‌ قه‌ڵه‌و ببیت، بۆئه‌وه‌ی قه‌ڵه‌و نه‌بیت دووربكه‌وه‌ره‌وه‌ له‌خواردنه‌ خێراكان و ئه‌و خۆراكانه‌ی كه‌ رێژه‌یه‌كی زۆر له‌چه‌وریان تێدایه‌.

9- هه‌وڵبده‌ زانیاری ته‌واو له‌سه‌ر نه‌خۆشییه‌كانی دڵ وه‌ربگریت، زانیارییه‌كان وات لێده‌كه‌ن كه‌ زیاتر ئاگات له‌ته‌ندروستی دڵت بێت و ئه‌وكارانه‌ نه‌كه‌یت كه‌ زیان به‌ته‌ندروستیت ده‌گه‌یه‌نێت.

10- به‌شێوه‌یه‌كی رێكوپێك وه‌رزش بكه‌، وه‌رزشكردن باشترین رێگه‌یه‌ كه‌ پارێزگاری له‌ته‌ندروستی دڵت ده‌كات، هاوكات دڵ له‌گیرانی خوێنبه‌ره‌كان و جه‌ڵته‌ ده‌پارێزێت.

PUKmedia و/ گۆران قادر
س: رۆتانا