عومه‌ر فه‌تاح پیرۆزبایی 8ی مارس له‌ ژنان ده‌كات

.

به‌بۆنه‌ی رۆژی جیهانی ژنانه‌وه‌ 8ی مارس، عومه‌ر فه‌تاح ئه‌ندامی ده‌سته‌ی كارگێڕی پیرۆزبایی ئاڕاسته‌ی ژنانی كوردستان و جیهان ده‌كات كه‌ ئه‌مه‌ی خواره‌وه‌ ده‌قه‌كه‌یه‌تی:

به‌بۆنه‌ی هه‌شتی مارس، رۆژی جیهانی ژنان، گه‌رمترین پیرۆزبایی ئاڕاسته‌ی ژنانی سه‌ربه‌رزی كوردستان، له‌ هه‌موو به‌شه‌كانی كوردستان و هه‌ر شوێنێكی جیهان ده‌كه‌م، پیرۆزبایی له‌ دایك و هاوسه‌رو خۆشكی سه‌ربه‌رزی شه‌هیدان و هه‌موو ئه‌و ژنه‌ تێكۆشه‌رانه‌ ده‌كه‌م، شانبه‌شانی پیاوان بۆ ئازادی و رزگاری كوردستان و مرۆڤایه‌تی ده‌جه‌نگن.

له‌دوای راپه‌ڕینه‌وه‌، قۆناغ به‌ قۆناغ ده‌ستكه‌وتی باش بۆ ژنان به‌دیهاتووه‌، به‌شێكی زۆر له‌ مافه‌كانیان چه‌سپێنراوه‌، به‌ڵام هێشتا خه‌باتی ژنان بۆ به‌دیهێنانی مافه‌كانی تریان و به‌شداریكردن له‌ خه‌باتی كوردایه‌تی و گۆڕانكاری كۆمه‌ڵایه‌تی كۆتایی نه‌هاتووه‌. هیوادارم باشتر بۆ ئه‌و قۆناغه‌ش خۆیان سازبده‌ن.

دووباره‌ پیرۆزو هه‌ربژین.

PUKmedia تایبه‌ت