riklam

مۆبایلی لاندرۆڤه‌ر به‌كارهێنه‌رانی توشی شۆك ده‌كات

تەکنەلۆجیا 11:52 PM - 2018-02-26
.

.

هه‌مووان چاوه‌ڕێی كۆمپانیای لاندرۆڤه‌ر بوون كه‌ نوێترین ئۆتۆمبێلی خۆی به‌رهه‌مبهێنێت كه‌ له‌ جیهاندا هه‌وادارێكی زۆری هه‌یه‌ و به‌ یه‌كێك له‌ پر فرۆشترینه‌كان هه‌ژمار ده‌كرێت، به‌ڵام كۆمپانیاكه‌ هه‌موانی توشی شۆك كرد به‌به‌رهه‌مهێنانی مۆبایلی ( لاندۆڤه‌ر ئێكسپلور) كه‌ چه‌ندین تایبه‌تمه‌ندی سه‌رنج ڕاكێشی تێدایه‌ له‌وانه‌ دژه‌ ئاوه‌ و به‌رگه‌ی به‌ریه‌ك كه‌وتن ده‌گرێت و پاتریه‌كه‌ی به‌بێ شه‌حن كردنه‌وه‌ بۆ ماوه‌ی دوو رۆژ كار ده‌كات.

تایبه‌تمه‌ندیه‌كانی مۆبایلی لاندۆڤه‌ر ئێكسپلور:

گرنگترین تایبه‌تمه‌ندی ئه‌م مۆبایله‌ ئه‌وه‌یه‌ كه‌ پاتریه‌كه‌ی به‌ یه‌ك جار شه‌حن كردنه‌وه‌ به‌شی دوو ڕۆژ ده‌كات گه‌ر به‌شێوه‌یه‌كی ئاسایی به‌كاربهێنرێت.

توانای پاتری مۆبایلی لاندۆڤه‌ر ئێكسپلور  4000 میللی ئه‌مپێره‌ و ده‌توانریت به‌هۆی تایبه‌تمه‌ندی adventure pack  ته‌مه‌نی دریژ بكریت ، هاوكات قه‌باره‌ی شاشه‌كه‌ی 5 ئینجه‌ و وینه‌كانی به‌ كوالیه‌تیه‌كی به‌رز داده‌به‌زبه‌زێت.

 

45.jpg

شاشه‌كه‌ی دژه‌ شكانه‌:

مۆبایلی لاندۆڤه‌ر ئێكسپلور خۆشه‌ویستی ئه‌و كه‌سانه‌ كه‌ حه‌ز به‌ سه‌ركێشی ده‌كه‌ن، چونكه‌ شاشه‌كه‌ی دژه‌ به‌ریه‌ك كه‌وتنه‌وه‌ له‌ به‌رزی 1.8 مه‌تره‌وه‌ خراوه‌ته‌ خواره‌وه‌ نه‌شكاوه‌، سه‌رباری ئه‌م تایبه‌تمه‌ندیه‌ی دژه‌ ئاوه‌ و به‌رگره‌ی كه‌شوهه‌وا جیاوازه‌كان ده‌گرێت، بۆیه‌ ئه‌م مۆبایله‌ ده‌توانرێت له‌ باران و كه‌شوهه‌وای زۆر ساردو گه‌رمدا به‌كاربهێنرێت.

مۆبایلی لاندۆڤه‌ر ئێكسپلور به‌ سیسته‌می كارپێكه‌ری ( ئه‌ندرۆید) كارده‌كات و له‌گه‌ڵ هه‌موو تایبه‌تمه‌ندییه‌كانی ئۆتۆمبێلی لاندرۆڤه‌ر كار ده‌كات.

نرخ و تایبه‌تمه‌ندیه‌كانی لاندۆڤه‌ر ئێكسپلور:

به‌هۆی ئه‌وه‌ی كه‌ مۆبایله‌كه‌ پاتریه‌كه‌ی بۆ ماوه‌یه‌كی زۆر كار ده‌كات و چه‌ندین تایبه‌تمه‌ندی وه‌ك دیاری كردنی شوێن و كه‌ش و هه‌وای تێدایه‌، هه‌مووان به‌بێ دڵه‌ڕاوكێ ده‌توانن به‌كاریبهێنن، ئه‌م مۆبایله‌ له‌ ( كۆنگره‌ی جیهانی بۆ ته‌كنه‌لۆژیای په‌یوه‌ندی) كه‌ له‌ 26 شوبات تا 1مارس به‌رده‌وام ده‌بێت به‌ ره‌سمی ئاشكرا ده‌كرێت و به‌ نرخی 649 یۆرو ده‌فرۆشرێت.

PUKmedia    و/ گۆران قادر

س: عالم السیارات

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket