كتێبێك له‌سه‌ر شیعری هه‌ورامی له‌ ئێران بڵاوده‌كرێته‌وه‌

كتێبێك له‌سه‌ر شیعری هه‌ورامی

كتێبی "گه‌ڵاڵه‌ی ره‌وتناسی شیعری هه‌ورامی له‌ سه‌ره‌تاوه‌ تا ئێستا" له‌ژێرناوی "گرح جریان شناسی شعر هورامی از ابتدا تا به‌ امروز" به‌ زمانی فارسی و له‌لایه‌ن ناوه‌ندی چاپ و بڵاوكردنه‌وه‌ی ئیحسان له‌ تاران له‌چاپ دراوه‌و كه‌وتۆته‌ به‌رده‌ستی خوێنه‌ران.

نوسه‌ر له‌م كتێبه‌دا، شیعری هه‌ورامی به‌ درێژایی مێژوو هه‌ڵده‌سه‌نگێنێت و شیعره‌كانی ناوچه‌ی هه‌ورامان به‌دوو ره‌وتی پێش هاتنی ئیسلام و دوای ئیسلام دابه‌ش ده‌كات‌.
بۆ یه‌كه‌م جار له‌م كتێبه‌دا باس له‌ كاریگه‌ری شیعری بابا تاهیری هه‌مه‌دانی له‌سه‌ر ریتمی شیعری كوردی كراوه‌.

عادل محه‌ممه‌دپوور، به‌رپرس و خاوه‌ن ئیمتیازی گۆڤاری ئه‌ده‌بی زرێبار-ه‌و له‌دایكبووی شاری مه‌ریوانه‌‌ له‌كوردستانی ئێران.

PUKmedia به‌شی هه‌واڵی نوسینگه‌ی مه‌كته‌ب له‌ تاران