ئه‌سه‌سه‌رد: هه‌ردوو كامپی نه‌خێر و به‌ڵێ مافی خۆیانه‌

.

ئه‌ندامێكی سه‌ركردایه‌تی یه‌كێتی ده‌ڵێت: لایه‌نگرانی كامپی نه‌خێر مافی خۆیانه‌ جۆلانه‌وه‌یه‌ك له‌دژی رێفراندۆم ڕابگه‌یه‌نن و بانگه‌ بۆ هه‌ڵوێستی خۆیان بكه‌ن هه‌ر وه‌ك لایه‌نگرانی كامپی به‌ڵێش مافی خۆیانه‌ بانگه‌ بۆ بۆچوونی خۆیان بكه‌ن.

له‌وتارێكی فه‌رید ئه‌سه‌سه‌رد ئه‌ندامی سه‌ركردایه‌تی یه‌كێتیی نیشتمانیی كوردستان له‌ ژماره‌ی(7340) ئه‌مڕۆی ڕۆژنامه‌ی كوردستانی نوێ دووشه‌ممه‌ 14-8-2017 له‌ژێر ناونیشانی " كامپی به‌ڵێ و كامپی نه‌خێر له‌ ڕووبه‌ڕووبوونه‌وه‌دا، باس له‌وه‌ ده‌كات كه‌ ریفراندۆم پرۆسه‌یه‌كی دیموكراتییه‌ و گه‌ڵ تێیدا ڕای خۆی ده‌رده‌بڕێ ئه‌مه‌ش به‌م واتایه‌ دێت كه‌ لایه‌نگرانی كامپی به‌ڵێ مافی خۆیانه‌ به‌ به‌ڵێ ده‌نگ بده‌ن و لایه‌نگرانی كامپی نه‌خێریش مافی خۆیانه‌ به‌ ده‌نگی نه‌خێر ده‌نگ بده‌ن.

له‌به‌شێكی وتاره‌كه‌یدا ئه‌و ئه‌ندامه‌ی سه‌ركردایه‌تی یه‌كێتی نووسیویه‌تی: له‌پێوانه‌ دیموكراتییه‌كاندا لایه‌نگرانی هه‌ردوو كامپ مافی ئه‌وه‌یان هه‌یه‌ به‌ به‌ڵێ یان نه‌خێر ده‌نگ بده‌ن، یانی له‌ڕووی یاساییه‌وه‌ به‌ پێی پێوانه‌ دیموكراتییه‌كان هه‌م به‌ڵێ شه‌رعییه‌تی هه‌یه‌ و هه‌م نه‌خێر.

نووسه‌ر له‌درێژه‌ی بابه‌ته‌كه‌ی ئاماژه‌ به‌ لایه‌نی خراپی پرسه‌كه‌ ده‌كات و ده‌نووسێت: مه‌له‌سه‌كه‌ مه‌سه‌له‌ی ڕاو تێروانینه‌ و خراپترین لایه‌نی كێشه‌كه‌ ئه‌وه‌یه‌ كه‌ كامپی به‌ڵێ هانا بۆ توقاندنی فیكری ده‌با و تۆمه‌تی خۆفرۆشی بۆ لایه‌نگرانی كامپی نه‌خێر هه‌ڵده‌به‌ستێ، ئه‌مه‌ش لێكترازانی كۆمه‌ڵایه‌تی توندوتیژتر ده‌كا.

له‌ ڕیفراندۆمدا ئازادی ڕاده‌ربڕین ته‌نها بۆ لایه‌نگرانی یه‌ك كامپ نییه‌ به‌ڵكوو بۆ هه‌ردوو كامپه‌كه‌یه‌ و هیچ كامیان نۆكه‌ر و خۆفرۆش نین و دیموكراسی مافی یه‌كسان به‌هه‌ردوو كامپه‌كه‌ ده‌دا.  

PUKmedia   كوردستانی نوێ