PUKMEDIA بهشێك لهگفتوگۆكانی كۆبوونهوهی سودانی و بلینكن بڵاودهكاتهوه
کوردستان 03:28 PM - 2024-04-23کۆبوونەوەی سەرۆکوەزیرانی عیراق و وەزیری دەرەوەی ئەمریکا
دیلان غهفوور ئهندامی وهفده باڵاكهی عیراق
كه بهسهرۆكایهتی سهرۆك وهزیرانی عیراق سهردانی ویلایهته یهكگرتووهكانی
ئهمریكایان كردبوو، هاوكات سهرۆكی لیژنهی پهیوهندییهكانی دهرهوه له ئهنجومهنی
نوێنهرانی عیراق لهچاوپێكهوتنێكدا بۆ وێبسایتی رهسمی یهكێتیی نیشتمانیی
كوردستان PUKMEDIA ئاماژه بهگفتوگۆكانی
نێوان محهمهد شیاع سودانی سهرۆك وهزیرانی عیراق و ئهنتۆنی بلینكن وهزیری دهرهوهی
ئهمریكا لهسهر پرسهكانی (پهیوهندییهكانی نێوان ههولێر و بهغدا، ههناردهكردنهوهی
نهوتی ههرێم، مانهوهی قهوارهی ههرێم، ئهنجامدانی ههڵبژاردن لهههرێم، گهڕانهوه
ئاوارهكانی ههرێم) دهدات و دهڵێت: "ههردوولا هاوڕابوون كه پێویسته كێشهكانی
ههولێر و بهغدا بهگفتوگۆ چارهسهر بكرێن" ههروهها تهئكید كرایهوه كه:
"عیراق نهچێته ئهو ململانێیانهی كه لهناوچهكه ههیه و نابێته مهترسیش
بۆ سهر هیچ وڵاتێكی دراوسێی".
PUKMEDIA بهشێك لهگفتوگۆكانی
وهزیری دهرهوهی ئهمریكا و سهرۆك وهزیرانی عیراق لهزاری دیلان غهفوور ئهندامی
وهفده باڵاكهی عیراق بۆ ئهمریكا بڵاودهكاتهوه...
ههناردهكردنهوهی نهوتی ههرێم
ئهنتۆنی بلینكن وهزیری دهرهوهی ئهمریكا: "پێویسته
ههناردهی نهوتی ههرێم دهستپێبكاتهوه بۆ ئهوهی متمانه بگهڕێتهوه بۆ كۆمپانیا
بیانییهكان لهپێناو ئهوهی جارێكی دیكه وهبهرهێنانی نهوت لهههرێمی
كوردستان بكهن"، لهبهرامبهریشدا محهمهد شیاع سودانی سهرۆكوهزیرانی عیراق
رایگهیاند: "راگرتنی ههناردهی نهوتی ههرێم بهپلهی یهكهم زیانهكهی
بهر عیراق كهوتووهو لهو روانگهیهشهوه ههوڵی جدیمان داوه بۆ چارهسهركردنی
ئهو كێشانهی لهبهردهم ههناردهی نهوتی ههرێمی كوردستانن".
سهرۆك وهزیرانی عیراق راشیگهیاند: "دوو
رێگا ههیه بۆ ئهوهی بتوانین ههناردهی نهوتی ههرێمی كوردستان لهرێگهی بۆرییه
نهوتییهكانی توركیاوه دهستپێبكهینهوه، كه ئهوانیش، خۆی لهههمواركردنهوهی
گرێبهستی نهوتی كۆمپانیاكان و ههمواركردنهوهی یاسای بودجه دهبینێتهوه".
پهیوهندییهكانی ههولێر و بهغدا
وهزیری دهرهوهی ئهمریكا لهمیانهی گفتوگۆكانیدا
لهگهڵ سهرۆك وهزیرانی عیراق ئاماژهی بهوهدا: "پێویسته كێشهكانی نێوان
ههولێر و بهغدا لهسهر مێزی گفتوگۆ چارهسهر بكرێن و ههردوو حكومهت ههنگاوی
جدی بنێن بۆ چارهسهركردنی كێشهكان"، لهو بارهیهشهوه سودانی رایگهیاند:
"ههوڵهكان بۆ چارهسهری كێشهكان بهردهوامی ههیه و قهوارهی ههرێمی
كوردستان قهوارهیهكی دهستوورییهو رێزی لێدهگرین و نابینه مهترسی لهسهر
قهوارهكه، بهڵام ئهوهی مهترسییه لهسهر قهوارهی ههرێم دواخستن یان ئهنجامنهدانی
ههڵبژاردنه، كه دهبێته هۆی لاوازكردنی دهسهڵاتهكانی یاسادانان و جێبهجێكردن
لهههرێم".
سهروهری خاكی عیراق
تهوهرێكی دیكهی گفتوگۆكانی نێوان سهرۆك وهزیرانی
عیراق و وهزیری دهرهوهی ئهمریكا پرسی سهروهری عیراق بوو لهو روانگهیهشهوه
محهمهد شیاع سودانی تهئكیدی لهسهروهری خاك و ئاسمانی عیراق كردهوهو رایگهیاند:
"ههرگیز عیراق نابێته مهترسی بۆ سهر وڵاتانی دراوسێی، بهپێچهوانهوه
ههوڵی باشتركردنی پهیوهندییهكانمان لهگهڵ وڵاتانی دراوسێ دهدهین و رێز له
بیرو بۆچوونهكانیان دهگرین وهك چۆن خوازیارین ئهوانیش رێز لهسهروهری خاك و
ئاسمانی عیراق بگرن".
پێكهاتهكان و گهڕانهوهی ئاوارهكان
لهكۆبوونهوهكهدا ئهنتۆنی بلینكن داوای لهسودانی
كرد، كه حكومهتی عیراق زیاتر پارێزهری مافی پێكهاتهكان بهتایبهت ئێزدییهكان
بێت، لهكاتێكدا ئهمساڵ یادی 10 ساڵهی كۆمهڵكوژی ئێزدییهكان دهكرێتهوه، لهبهرامبهردا
سهرۆك وهزیرانی عیراق رایگهیاند: "پلان و بهرنامهمان بۆ گهڕانهویه
ئاوارهكان ههیه و ههموو ههوڵێكیش دهدهین كه كهمپی ئاوارهكان لهههرێم
دابخهین، بۆ ئهمهش به پارچهیهك زهوی و بڕێك پارهو چهند خزمهتگوزارییهكی
دیكه پشتیوانی گهڕانهوهی ئاوارهكان دهكهین".
PUKMEDIA
هەواڵی زیاتر
-
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
06:29 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
02:32 PM - 2024-05-03 -
كارگەیەكی مادەی هۆشبەر دەستی بەسەردا دەگیرێت
05:27 PM - 2024-05-02
ئەمانەش ببینە
کوردستان 05:23 PM - 2024-05-03 سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
سەرۆک بافڵ و سودانی: یاسا بەرکارەکان هەوێنی تێپەڕاندنی ئاڵنگارییەکان بن
03:22 PM - 2024-05-03
سەرۆک بافڵ لەگەڵ سەرۆکوەزیرانی عیراق کۆدەبێتەوە
01:22 PM - 2024-05-03
قوباد تاڵەبانی: بەرگریکردن لە ئازادی رۆژنامەگەری پرەنسیپێکی نەگۆڕی ژیانی سیاسیمە
11:43 AM - 2024-05-03
داهاتی هەفتەی رابردووی سلێمانی زیاتر لە 26 ملیار دینارە
08:46 AM - 2024-05-03
زۆرترین خوێنراو
-
مەکتەبی سکرتارییەت: یەکێتی بە شانازییەوە لە رابردووی تێکۆشەرەکانی دەڕوانێت
ی ن ک 01:56 PM - 2024-05-03 -
سەرۆک بافڵ لەگەڵ سەرۆکوەزیرانی عیراق کۆدەبێتەوە
کوردستان 01:22 PM - 2024-05-03 -
قوباد تاڵەبانی: بەرگریکردن لە ئازادی رۆژنامەگەری پرەنسیپێکی نەگۆڕی ژیانی سیاسیمە
کوردستان 11:43 AM - 2024-05-03 -
داهاتی هەفتەی رابردووی سلێمانی زیاتر لە 26 ملیار دینارە
کوردستان 08:46 AM - 2024-05-03 -
سەمیر هەورامی: حکومەتی هەرێم بۆ تەوتین ئامادەیی دەربڕیوە
کوردستان 11:20 PM - 2024-05-02 -
شاڵاو کۆسرەت رەسوڵ سەردانی ژمارەیەک کەسایەتی دەکات
پرسەنامە 10:56 PM - 2024-05-02 -
شاڵاو کۆسرەت رەسوڵ سەردانی بازاڕی هەولێر و ژمارەیەک کەسایەتی دەکات
ی ن ک 10:44 PM - 2024-05-02 -
كارگەیەكی مادەی هۆشبەر دەستی بەسەردا دەگیرێت
کوردستان 05:27 PM - 2024-05-02