وتەبێژی یەکێتی: رێز لە بڕیارەکانی دادگای فیدراڵی دەگرین
کوردستان 10:48 PM - 2024-03-22کۆبونەوەی وتەبێژی یەکێتی و باڵیۆزی ژاپۆن
ئێوارەی ئەمڕۆ هەینی ٢٢/٣/٢٠٢٤ سەعدی ئەحمەد پیرە وتەبێژی یەكێتی نیشتیمانی كوردستان بە ئامادەبوونی د. بڕیار ڕەشید ئەندامی ئەنجومەنی نوێنەرانی عێراق لە شاری سلێمانی پێشوازیکرد لە فوتۆشی ماتسۆمۆتۆ، باڵیۆزی ژاپۆن لە عێراق، دیدارێکی نێوان ھەردوولادا، وێڕای تەئکیدکردنەوە لەسەر تووند و تۆلکردنی پەیوەندیەکان، بیرورا لەبارەی دواین پێشهات و گۆرانکاریەکانی گۆرەپانی سیاسی و سەربازی عیراق و هەرێمی کوردستان و ناوچەکە ئاڵوگۆرکرا.
لە دیدارەکەدا سەعدی ئەحمەد پیرە ڕایگەیاند: یەكێتیی نیشتمانیی كوردستان تەئكید لەبەڕێوەچوونی هەڵبژاردن لەوادەی خۆیدا دەكاتەوە، یەكێتی هەرگیز لەگەڵ دواخستنی هەڵبژاردندا نییە، بەپێچەوانەوە هەموو هەوڵێك دەدەین بۆ ئەوەی هەڵبژاردن لە كاتی خۆیدا ئەنجامبدرێت، ئەوەی ئێستا گرنگەو داخوازی یەكێتییە دابەشكردنی مووچەی فەرمانبەرانی حكومەتی هەرێمە.
وتیشی: یەكێتی نیشتیمانی كوردستان ڕێز لە بڕیارەكانی دادگای فیدڕاڵی دەگرێت، لەگەڵ سەروەری یاسا و پەیرەوکردنی خاڵ و بەند و بڕگەکانی دەستووری ھەمیشەیی عیراقدایە کە تاکە سەرچاوەو بنەما و مەرجەعی یاسایی رێکخستنی کاروباری وڵاتە.
دواتر فوتۆشی ماتسۆمۆتۆ، باڵیۆزی ژاپۆن لە عێراق رایگەیاند؛ حکومەتی ژاپۆن لەگەڵ سەقامگیری سیاسی و ئارامی ناوچەکەیە، ھاوکات خوازیاری ئەوەیە سەرجەم کێشە و گرفتەکان لە رێگەی گفتووگۆی ئاشتیانە و رێزگرتن لە ڕاو بۆچوونی یەکتر کە یەکانگیر بێت لەگەڵ بەرژەوەندیە باڵاکان و رەخساندنی کەشێکی لەبار بۆ پێشکەوتنی ئابووری و کۆمەڵایەتی و خۆشگوزەرانی.
وتیشی: ئامادەی ھەموو ھەماھەنگی و ھاوکاریەکین بۆ سەرخستنی ھەر ھەوڵێک کە ببێتە ھەوێنی چارەسەری کێشەکان.
لەكۆتایی دیدارەكەدا سەعدی ئەحمەد پیرە ستایشی ئاژانسەكانی سەربە حكومەتی ژاپۆن-ی كرد لە هاوكاری و هەماهەنگی كردن لەگەل دامودەزگاكانی هەرێمی كوردستان بەتایبەتی رێکخراوی ئاشتی شنەبای ژاپۆنی ، ئاژانسی جایكا كە رۆڵێكی بەرچاویان هەیە لە گەشەپێدانی بوارە جیاوازەكانی كارگێری بەرزكردنەوەی ئاستی توانا مرۆییەكانی كارمەندانی حكومەتی هەرێمی كوردستان.
PUKMEDIA
هەواڵی زیاتر
-
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
12:50 PM - 2024-05-19
ئەمانەش ببینە
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
زۆرترین خوێنراو
-
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19 -
٧٤ هەمین هەفتانەی دیجیتاڵی ئینگلیزی بڵاودەكرێتەوە
جیهان 09:02 AM - 2024-05-19 -
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
کوردستان 09:34 PM - 2024-05-18 -
وەزیری رۆشنبیری: ئێستا جاسوسی بە ئاشکرا دەکرێت
کوردستان 09:26 PM - 2024-05-18