یەكێتی و ژمارەیەك حزبی كوردستانی هەڵبژاردنیان دەوێت
کوردستان 10:01 AM - 2024-03-21ئاڵای كوردستان، دەنگدان
بەشێكی زۆری لایەنە كوردستانییەكان داوادەكەن هەڵبژاردن لە وادەی دیاریكراوی خۆیدا كە 10ی 6ی 2024ـە ئەنجامبدرێت و هیچ پاساوێك بۆ دواخستنی هەڵبژاردن لەو وادەیەی سەرۆكی هەرێمی كوردستان دیاریكردووە نییە.
یەكێتی: هەڵبژاردن تاكە رێگای دیموكراسییە
مەكتەبی سیاسی یەكێتیی نیشتمانیی كوردستان لە كۆبوونەوەی ئاسایی خۆیدا، تەئكیدی لەسەر، "هەڵوێستی نەگۆڕی خۆی كردەوە كە پێویستە هەڵبژاردن لە كاتی خۆیدا و بێ دواكەوتن ئەنجام بدرێت، چونكە تاكە رێگای راست و رەوای نوێكردنەوەی پڕۆسەی دیموكراسی و شەرعییەتی حوكمڕانییە لەوڵاتەكەماندا".
"هەر بیانوویەك بۆ دواخستنی هەڵبژاردن هەبێت، پاشەكشەیە لە كاروانی دیموكراسیی و سەرەنجام شەرعییەتی دامەزراوەكانی هەرێم دەخاتە ژێر پرسیارەوە، هاوكات هەڵبژاردن قەوارەكەمان لە هەڕەشەو مەترسی دەپارێزێت و تەنها رێگای گەڕانەوەیە بۆ رای كۆمەڵانی خەڵك و دیاریكردنی نوێنەرەكانیان"، هەروەها، "ئەزموونی زیاتر لە سێ دەیەی كوردستانی ئازاد بە قوربانیدانی خەڵكی كوردستان بەدیهاتووە و پێویستە لەرێی دەستاودەستكردنی دیموكراتیانەی دەسەڵاتەوە بپارێزرێت، بەو جۆرەی رێز و متمانەی خۆی لای كۆمەڵگەی نێوەدەوڵەتی پتەوتربكات كە پشتیوانی لە ئەزموونێك دەكات ئازاد و دیموكرات و شەرعی بێت"، لە راگەیەندراوەكەی مەكتەبی سیاسیدا هاتووە.
بزوتنەوەی گۆڕان: پێویستمان بە هەڵبژاردنە
بزوتنەوەی گۆڕان پێی وایە باشترین بژاردە لەبەردەم هەرێمی كوردستان بریتییە لە هەڵبژاردنێكی پاك و بێگەرد لەكاتی دیاریكراوی خۆیدا.
بزوتنەوەی گۆڕان لە راگەیەندراوێكدا سەبارەت بە هەڵبژاردنی پەرلەمانی كوردستان ئاماژەی بەوەداوە: "پێویستمان بە ئەنجامدانی هەڵبژاردنە، هەروەها باشترین بژاردە لەبەردەم هەرێمی كوردستان هەڵبژاردنێكی پاك و بێگەردە، بە بەشداری و لێكتێگەیشتنی هەمو لایەنە سیاسییەكان، پێویستە هەڵبژاردنێك ئەنجام بدرێت كە وەڵامگۆی پێداویستییە نیشتمانی، یاسایی، دامەزراوەیی و بەپیرەوەچوونی ژیان و گوزەران و دابینكردنی موچەی فەرمانبەران بێت، لە هەمووی پڕبایەختر لەڕێگەی پەرلەمانی هەڵبژێردراوی كوردستانەوە نوێنەرایەتی خەڵكی كوردستان بۆ داكۆكیكردن لە مافە دەستورییەكانی هەرێم بكرێت".
یەكگرتووی ئیسلامی: هەڵبژاردن پێویستییەكی نیشتمانییە
یەكگرتووی ئیسلامی كوردستان، هەڵبژاردن بە ئیستحقاقێكی میلی دەزانێت و لەگەڵ ئەوەدایە هەڵبژاردنێكی پاك و بێگەرد لە كاتی دیاریكراوی خۆیدا ئەنجامبدرێت.
سەبارەت بە هەڵوێستی یەكگرتووی ئیسلامی كوردستانیش بۆ پڕۆسەی هەڵبژاردنی پەرلەمانی كوردستان، وتەبێژی حزبەكە رایگەیاندووە: "ئێمە لە یەكگرتووی ئیسلامی كوردستان هەڵبژاردن بە پێویستییەكی نیشتمانی و ئیستحقاقێكی میلی دەزانین و لەگەڵ ئەوەین هەڵبژاردنێكی پاك و بێگەرد لە كاتی دیاریكراوی خۆیدا ئەنجامبدرێت".
كۆمەڵی دادگەری: لەمپەر بۆ هەڵبژاردن دروست نەكرێت
كۆمەڵی دادگەری كوردستان داوادەكات هیچ لەمپەر و رێگریەك نەخرێتە بەردەم پڕۆسەی هەڵبژاردن و لەكاتی خۆیدا ئەنجام بدرێت.
ئەنجومەنی باڵای كۆمەڵی دادگەری كوردستان لە راگەیەندراوێكدا هەڵوێستی حزبەكەیان سەبارەت بە پرسی هەڵبژاردن دەخاتەڕوو، ئاماژە بەوەدەكات: "لەگەڵ بەڕێوەچوونی هەڵبژاردنداین لەو كاتەی كە سەرۆكی هەرێمی كوردستان دیاریكردووە و هیوادارین هیچ لەمپەڕو رێگرییەك نەخرێتە بەردەم ئەنجامدانی پڕۆسەكە".
"هەرجۆرە ئینكارییەك كە وەستان بێ لەبەردەم جێبەجێكردنی بڕیارەكانی دادگای فدراڵی، هەرێمی كوردستان روبەڕووی قەیرانی زیاتردەكاتەوە و دوورنییە چوارچێوە دەستوری و یاساییەكەی هەرێم لەدەست بدەین"، لە راگەیەندراوەكەی كۆمەڵی دادگەریدا هاتووە.
پشتیوانی راگەیەندراوەكەی یەكێتی دەكرێت
هاوكات لە دوو بەیاننامەی جیاوازدا پارتی سەوزی كوردستانی و بزووتنەوەی رزگاری دیموكراتی كوردستان پشتیوانی لە راگەیەندراوەكەی مەكتەبی سیاسی یەكێتی دەكەن بۆ ئەنجامدانی هەڵبژاردن لە وادەی دیاریكراوی خۆیدا.
لەبەیانامەكەیدا پارتی سەوزی كوردستانی رایدەگەیەنێت: "هاوهەڵوێست و پشتیوانی لە ڕاگەیاندراوەكەی یەكێتیی نیشتیمانیی كوردستان دەكەین بۆ بەڕێوەچوونی هەڵبژاردنی پەرلەمانی كوردستان لە وادەی دیاری كراوی خۆیدا، نابێت چیتر پڕۆسەی هەڵبژاردن لە كوردستان دوابخرێت"، ئاماژەبەوەشدراوە: "لە ئێستادا، گەلەكەمان رووبەڕووی ژیانێكی زۆر قورس بووەتەوە، بۆیە دەبێت هەموو هێزە سیاسییەكانی كوردستان بۆ دەربازبوون لە ئەم دۆخی ئێستادا و گەڕانەوەی مافی دیموكراسی هەڵبژاردنی نوێنەرانی هەڵبژێردراوی راستەقینەی هاووڵاتیان بێت، لەپەرلەمانی كوردستان".
هەروەها لە بەیاننامەی بزووتنەوەی رزگاری دیموكراتی كوردستان هاتووە: "پشتیوانی لەبڕیارەكانی یەكێتیی نیشتمانیی كوردستان دەكەین سەبارەت بەپڕۆسەی هەڵبژاردن، هەڵبژاردن پایەیەكی گرنگە لەبنەماكانی دیموكراسی، ونوێبونەوەو خزمەت كردن بە خاك وگەل و پێشكەوتنی كۆمەڵگا".
بزوتنەوەی چاكسازیی نیشتمانی: هەڵبژاردن ئەم دۆخە تێدەپەڕێنێت
بزوتنەوەی چاكسازیی نیشتمانی سەبارەت بەبارودۆخی ئێستای كوردستان و ئەنجامدانی هەڵبژاردن، لە راگەیەندراوێكدا پشتیوانی بڕیاری مەكتەبی سیاسی یەكێتیی نیشتمانیی كوردستان بۆ ئەنجامدانی هەڵبژاردن لەوادەی خۆیدا دەكات و ئاماژە بەوەدەكات: "ئەنجامدانی هەڵبژاردنێكی پاك و دیموكراتیانە بۆ تێپەڕاندنی ئەم دۆخەی ئێستای كوردستان زۆر گرنگە".
بۆ جاری چوارەم رۆژی 3-3-2024، سەرۆكی هەرێمی كوردستان مەرسومی وادەی بەڕێوەچوونی هەڵبژاردنی خولی شەشەمی پەرلەمانی كوردستانی دەركردو بڕیاریدا كە رۆژی 10-6-2024 پڕۆسەكە بەڕێوەبچێت، ئەمە لەكاتێكدایە پێشتر سێ جار وادەی بەڕێوەچوونی هەڵبژاردن دیاریكرابوو، بەڵام بە هۆكاری جیاجیا هەڵبژاردن ئەنجام نەدرا، لە ئێستاشدا لایەنە سیاسییە كوردستانییەكان داوادەكەن هەڵبژاردنەكە لەكاتی خۆیدا بەڕێوەبچێت و لەوە زیاتر دوانەخرێت.
PUKMEDIA
هەواڵی زیاتر
-
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
12:50 PM - 2024-05-19
ئەمانەش ببینە
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
زۆرترین خوێنراو
-
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19