وتەبێژی یەكێتی: مووچە ئەولەویەتە نەك بەشدارینەكردن لەهەڵبژاردن
کوردستان 02:29 PM - 2024-03-20سەعدی ئەحمەد پیرە وتەبێژی یەكێتیی نیشتمانیی كوردستان
یەكێتیی نیشتمانیی كوردستان تەئكید لەبەڕێوەچوونی هەڵبژاردن لەوادەی خۆیدا دەكاتەوەو وتەبێژی یەكێتیش دەڵێت: "هەرگیز داوای دواخستنی هەڵبژاردنمان نەكردووەو بەشداریكردن و نەكردنی لایەنێك پرسی ژمارە یەك نییەو لای ئێمە مووچە لەپێشترە".
هەموو هەوڵێك دەدەین بۆ ئەنجامدانی هەڵبژاردن لەوادەی خۆیدا
سەعدی ئەحمەد پیرە وتەبێژی یەكێتیی نیشتمانیی كوردستان لەچاوپێكەوتنێكی كەناڵی ئاسمانی كوردساتدا ئاماژە بەوە دەكات: "هەڵوێستی كشانەوە لە هەڵبژاردن كارئاسانی بۆ ئەنجامدانی ئەو پڕۆسەیە ناكات، ئەو هەڵوێستە جێگای سەرسوڕمانە ئێمەو یەكێتی هەرگیز لەگەڵ دواخستنی هەڵبژاردندا نییە، بەپێچەوانەوە هەموو هەوڵێك دەدەین بۆ ئەوەی هەڵبژاردن لە كاتی خۆیدا ئەنجامبدرێت، هاوكات بەشداریكردن و نەكردنی لایەنێك بۆ ئێمە پرسی گرنگی ژمارە یەك نییە، ئەوەی ئێستا گرنگەو داخوازی یەكێتییە دابەشكردنی مووچەیە".
هاوپەیمانان پشتیوانی دواخستنی پڕۆسەی هەڵبژاردن ناكەن
"ئەو بیانوانەی بۆ دواخستنی هەڵبژاردن هەن بیانوی لاوازن و ئەگەر هەوڵی زیاتری دواخستنی هەڵبژاردن بدرێت، زیان بەقەوارەی هەرێم دەگەیەندرێت، هاوكات هیچ هاوپەیمانێكمان لەسەر ئاستی نێودەوڵەتی پشتیوانی دواخستنی پڕۆسەی هەڵبژاردن ناكەن، پێشمانوایە بەشدارینەكردنی لایەنێك لە هەڵبژاردن پڕۆسەكە راناگرێت، بەڵام كێشە بۆ پڕۆسەكە دروستدەكات" سەعدی ئەحمەد پیرە وادەڵێت.
سەبارەت بە كێشەی مووچەی مووچەخۆران ئەوەشی راگەیاند: "هەموو كات یەكێتی جەختی لە پێدانی مووچە كردووەتەوە و لە 2014ەوە داوا دەكەین مووچە بەڕێكی و لە كاتی خۆیدا دابەشبكرێت، لە هیچ سەردەمێكدا پارە بە گونییە دابەشنەكراوەو دەبێت لیستێك هەبێت دواتر پارە وەربگیرێت و دابەشبكرێت".
وتەبێژی یەكێتیی نیشتمانیی كوردستان راشیگەیاند: "لەبەر ئەوەی كوردستان بەشێكە لەعیراق و مووچە لای ئەوان بەنیشتمانی كراوە، پێویستە مووچەخۆرانی هەرێمیش بچنە چوارچێوەی ئەو پڕۆسەیەوەو كە پێمانوایە كارێكی باشە".
"ناردنی پارە لە بەغداوە هیچ لەپێگەی هەرێمی كوردستان كەمناكاتەوە، ئەگەر پێشمانوابێت بڕیارەكانی دادگای فیدراڵی كاریگەری خراپی لەسەر هەرێم دروستكردووە پێویستە لە عیراق بكشێینەوەو پەلەبكەین لە ئەنجامدانی هەڵبژاردنێكی پاك و بێگەرد، دواجار بە تیمێكی نوێوە لەگەڵ عیراق بۆ دەستەبەركردنی شایستەكانمان بكەوینە گفتوگۆ" سەعدی ئەحمەد پیرە وادەڵێت.
یەكێتی لەگەڵ دابەشكردنی مووچەدایە
راشیگەیاند: "یەكێتیی نیشتمانیی كوردستان لەگەڵ دابەشكردنی مووچەدایە بەو بڕەپارەیەی لەلایەن حكومەتی عیراقەوە بۆ هەرێم نێردراوە، هاوكات دەتواندرێت ئەو كورتهێنانەی لە مووچەدا هەیە بەداهاتی ناوخۆ پڕبكرێتەوەو مووچەی مانگی شوباتی پێدابەشبكرێت، چونكە پێمانوایە عینادی لە ئیدارەدان و بەڕێوەبردندا خزمەت بە هەرێمەكەمان ناكات".
بەگژداچوونەوەی دادگای فیدراڵی هەڵەیە
وتەبێژی یەكێتیی نیشتمانیی كوردستان وتیشی: "بەگژداچوونەوەی دامودەزگا یاساییەكانی عیراق بەتایبەت بەگژداچوونەوەی دادگای فیدراڵی بەڕاست نازانین، چونكە كورد بەشدارێكی كارا بووە لە دروستككردنی ئەو دادگایە، هاوكات پێویستە كێشەكانمان بەگفتوگۆ چارەسەر بكەین نەك هەوڵی شكاندنی بدەین، چونكە نابێت لەبیرمانبچێت لە هەرێمی كوردستانیش زۆر پرس و بابەتی چارەنووسساز هەبوون كە بەخواستی لایەنێك تێپەڕێندراوەو لایەنەكانی دیكە كارێكیان نەكردووە زیان بەقەوارەی هەرێمەكەمان بگەیەندرێت".
PUKMEDIA
هەواڵی زیاتر
-
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
12:50 PM - 2024-05-19
ئەمانەش ببینە
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
زۆرترین خوێنراو
-
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19