مەڵبەندی شارەزوور: یەكێتی هەرگیز هەڵەبجەی بەجێ نەهێشتووە
کوردستان 04:17 PM - 2024-03-15مۆنۆمێنتی هەڵەبجە
لە ساڵیادی كارەساتی كیمیابارانی هەڵەبجەدا، مەڵبەندی شارەزووری یەكێتیی نیشتمانیی كوردستان پەیامێك بڵاودەكاتەوەو رایدەگەیەنێت: "كارەساتی كیمیابارانی هەڵەبجە تاوانێكی مێژوییەو پەڵەیەكی رەشە بە نێوچاوانی ئەنجامدەران و هاوكارانییەوە، هاوكات یەكێتی هەرگیز هەڵەبجەی بەجێ نەهێشتووە".
دەقی پەیامەكە:
پەیامی مەڵبەندی ٩ ی شارەزووری یەكێتیی نیشتمانی كوردستان بۆ ٣٦ هەمین ساڵیادی كیمیابارانی هەڵەبجە:
هەڵەبجە برینێكی ساڕێژنەبووی سەر جەستەی نیشتیمانە
پاش ٣٦ ساڵ یادی كارەساتێك دەكەینەوە كە هەرگیز لە بیری ئێمەو مێژوو ناچێتەوە، وێنەیەكە بۆ ساتێكیش لەبەر چاومان كاڵ نابێتەوە.
كارەساتی كیمیابارانی هەڵەبجە كە لەلایەن رژێمی بەعسی گۆڕ بە گۆڕەوە بەرامبەر بە خەڵكی ستەم دیدەی هەڵەبجە ئەنجامدرا تاوانێكی مێژوییەو پەڵەیەكی رەشە بە نێوچاوانی ئەنجامدەران و هاوكارانییەوە، ئەو تاوانەی كەبووە هۆی شەهیدبوونی زیاتر لە ٥ هەزار كەس و برینداربوونی زیاتر لە ١٠ هەزار كەسی دیكە و ئاوارە بوونی دەیان هەزار كەس، بڵاوبوونەوەی چەندین نەخۆشی دەرونی و جەستەیی ترسناك لەناو خەڵكی ئەم سنوورەدا ئەوە جیا لەوەی كاریگەریە دەرونی و ژینگەییەكانی بۆ چەندین دەیەی دیكەش هەر دەمێننەوە.
هەڵەبجە هەمیشە لانكەی شۆڕش و خەبات و سەنگەری مەردایەتی بووە، مەڵبەندی كوردایەتی و تێكۆشان بووە، ئەوە هەڵەبجەیە بوو كە دەنگی مەزموڵییەتی كوردی گەیاندە جیهان و ویژدانی نوستووی چەندین وڵاتی دەرهەق بە ئەو ستەمەی لە گەلی كورد دەكرا بەئاگا هێنا، لە ئێستادا هەڵەبجە خزمەت كراوە بەڵام پێویستی بە خزمەتی زیاترە كە لە ئاست قوربانی دان و گەورەیی ئەم شارەدابێت.
لەم پەیامەدا جەخت لەو داواكاریانە دەكەینەوە كە لە چەند ساڵی رابردوودا ئاڕاستەی حكومەت و لایەنە پەیوەندیدارەكانمان كردووە لەوانە:
تەواوكردنی رێكارەكانی بە پارێزگابوونی هەڵەبجە و لابردنی ئەو ئاستەنگانەی كە رێگرن لە بەردەمیدا كە بە هەوڵی نوێنەرانی كورد و بە تایبەتی نوێنەرانی یەكێتیی نیشتمانیی كوردستان لە ئەنجومەنی نوێنەرانی عیراق خوێندنەوەی یەكەم و دووەمی بۆ كراوە .
لەپڕۆسەی دامەزراندندا تایبەتمەندی بە خەڵك و دانیشتوانی هەڵەبجە بدرێت و پشكی هەڵەبجە لە دامەزراندن جیا بكرێتەوە بە تایبەت بۆ كەسوكاری شەهیدان.
خێراتر كردنی كردنەوەی دەروازە سنوورییەكانی هەڵەبجە و دانپێدانانیان لەلایەن حكومەتی عیراقەوە كە ئەویش پەیوەستكراوە بەوەی كە دەبێت رێكارەكانی بە پارێزگابوونی هەڵەبجە تەواو بكرێن.
باشتر كردنی ژیان و گوزەرانی كەس و كاری شەهیدانی كیمیاباران.
زیادكردنی پرۆژە خزمەت گوزاریەكان كە لەئاست قوربانی دانی ئەم شارەدا بێت.
چارەسەر كردنی ئەو بریندارانەی كە تا ئێستاش بە ئازاری جەستەیانەوە دەناڵێنن لەڕێی ناردنیان بۆ دەرەوەی وڵات یاخود هێنانی تیمی پزیشكی تایبەتمەند بۆ چارەسەركردنیان.
رەخساندنی هەلی كار بۆ گەنجان لە كەرتی تایبەت لەڕێی كردنەوەی كارگە و كۆمپانیاو هاوكاری كردنی ماددی و مەعنەوی ئەو گەنجانەی كە پڕۆژەیان هەیە.
خێراتر كردنی كەیسی دۆزینەوەی منداڵە ونبووەكانی هەڵەبجەو شاد كردنەوەیان بە كەسوكاریان .
ئێمە وەك مەڵبەندی ٩ ی شارەزووری یەكێتیی نیشتمانیی كوردستان بەڵێن دووپات دەكەینەوە كە وەك هەمیشە لە خزمەتی ئەم شارەدابین و لەگەڵ داواو داخوازییەكانی خەڵكی ئەم سنوورەداین یەكێتی هەرگیز هەڵەبجەی بە تەنیا جێ نەهێشتووەو جێی ناهێڵێت بە كردار ئەوەشی سەلماندووە، بۆیە هەوڵی ئێمە ئەوەیە ئەوەی لە تواناماندایە لە پێناو خزمەتی ئەم شارەدا جێ بە جێی بكەین.
داواش لە وڵاتان و رێكخراوە نێودەوڵەتییەكان دەكەین كە دەستی هاوكاریان بۆ ئەم شارە درێژبكەن و هاوكاربن لەكەمكردنەوەی ئاسەواری ئەو نەهامەتیانەی كە بەسەر ئەم شارەدا هاتووە.
سەری رێزو نەوازش بۆ رۆحی سەرجەم شەهیدان دادەنەوێنین
مەڵبەندی ٩ ی شارەزووری یەكێتیی نیشتمانیی كوردستان
PUKMEDIA
هەواڵی زیاتر
-
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
12:50 PM - 2024-05-19
ئەمانەش ببینە
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
زۆرترین خوێنراو
-
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19 -
٧٤ هەمین هەفتانەی دیجیتاڵی ئینگلیزی بڵاودەكرێتەوە
جیهان 09:02 AM - 2024-05-19 -
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
کوردستان 09:34 PM - 2024-05-18 -
وەزیری رۆشنبیری: ئێستا جاسوسی بە ئاشکرا دەکرێت
کوردستان 09:26 PM - 2024-05-18