رۆژی هەڵبژاردنی خولی شەشەمی پەرلەمانی كوردستان دیاریكرا
کوردستان 03:19 PM - 2024-03-03هەڵبژاردن
سەرۆكی هەرێم وادەیەكی نوێی بۆ هەڵبژاردنی خولی شەشەمی پەرلەمانی كوردستان دیاریكرد كە بڕیارە رۆژی 10-06-2024 بەڕێوەبچێت.
ئەمڕۆ یەك شەممە 3-3-2024 نێچیرڤان بارزانی سەرۆكی هەرێمی كوردستان، فەرمانی هەرێمی بۆ دیاریكردنی رۆژی هەڵبژاردنی داهاتووی پەرلەمانی كوردستان ئیمزا كرد.
رۆژی هەڵبژاردن دیاریی كرا
لە راگەیەنراوێكدا كە لەسایتی سەرۆكایەتی هەرێمی كوردستان بڵاوكراوەتەوە، ئاماژە بۆ ئەوەدەكات: "لەسەر فەرمانی سەرۆكی هەرێمی كوردستان كە فەرمانەكەدا پاڵپشت بە بڕگەی (دووەم) لە ماددەی (دەیەم) لە یاسای سەرۆكایەتیی هەرێمی كوردستان ژمارە (1)ی ساڵی 2005ی هەمواركراو، نێچیرڤان بارزانی سەرۆكی هەرێمی كوردستان بڕیاریداوە بە دیاریكردنی ڕۆژی 10-6-2024 بە وادەی ئەنجامدانی هەڵبژاردنی گشتی بۆ خولی شەشەمی هەڵبژاردنی پەرلەمانی كوردستان".
بەپێی فەرمانەكە هەموو لایەنە پەیوەندیدارەكان پابەند دەبن بە ئەنجامدانی كاری پێویست بۆ هاوكاری و هەماهەنگی لەگەڵ كۆمسیۆنی باڵای سەربەخۆی هەڵبژاردنەكان بۆ جێبەجێكردنی ئەم فەرمانە، هەر ئەمڕۆش لە رۆژی دەرچوونییەوە جێبەجێ دەكرێت.
كۆمسیۆنی عیراق هەڵبژاردنی پەرلەمانی كوردستان بەڕێوەدەبات
كۆمسیۆنی باڵای سەربەخۆی هەڵبژاردنەكانی عیراق هەڵبژاردنی داهاتووی پەرلەمانی كوردستان بەڕێوەدەبات و وتەبێژی كۆمسیۆنەكەش دەڵێت: "گەرەنتی هەڵبژاردنێكی پاك و شەفاف دەدەین".
جومانە غەلای وتەبێژی كۆمسیۆنی باڵای سەربەخۆی هەڵبژاردنەكانی عیراق بە PUKMEDIA ی رایگەیاند: "كۆمسیۆنی باڵای سەربەخۆی هەڵبژاردنەكانی عیراق بە پێی یاسای هەڵبژاردن لەهەرێمی كوردستان هەڵبژاردنی پەرلەمانی كوردستان بەڕێوەدەبات، هاوكات كۆمسیۆن كۆمەڵێك رێنمایی و بڕیار دەردەكات، لەگەڵ ئەو تۆمارو ئامێرانەی لەبەردەستدا هەیە، گەرەنتی هەڵبژاردنێكی پاك و شەفاف دەدات".
"كۆمسیۆن بۆ هەڵبژاردنی پەرلەمانی كوردستان پشت بە تۆماری دەنگدەرانی عیراق دەبەستێت، چونكە پێی وایە تۆمارەكەپاككراوەتەوە لەدەنگی مردو و زیادەو هەروەها لەدایكبووانی ساڵی 2006 یش كە بۆ ئەمساڵ مافی دەنگدانیان هەیە زیاد كراون" جومانە غەلای وادەڵێت.
سەرۆكایەتی هەرێم و كۆمسیۆنی عیراق كۆبوونەوە
سەرۆكی هەرێمی كوردستان وادەیەكی نوێی بۆ هەڵبژاردن دیاریی كردو رۆژی 10-6-2024 ی وەك وادەی ئەنجامدانی هەڵبژاردنی گشتی بۆ خولی شەشەمی هەڵبژاردنی پەرلەمانی كوردستان دەستنیشانكرد.
ئەمەش لەكاتێكدایە، لەچەند رۆژی رابردوودا سەرۆكایەتیی هەرێم و وەفدی باڵای كۆمسیۆنی عیراق لەهەولێر كۆبوونەوەو هاوڕابوون لەبارەی دیاریكردنی كاتێكی دیكە بۆ هەڵبژاردنی پەرلەمانی كوردستان، چونكە كۆمسیۆن پێیوابوو ئەو وادەیەی پێشتر لەلایەن سەرۆكی هەرێمی كوردستانەوە دیاریی كرابوو بۆ هەڵبژاردن كە رۆژی 25-2-2024 بوو، ناتوانن هەڵبژاردنێكی پاك و بێگەرد بەڕێوەبەرن، هاوكات نێچیرڤان بارزانی سەرۆكی هەرێمی كوردستان، هەریەك لە رۆژەكانی 1-10-2022 و دواتر 18-11-2023 و پاشانیش 25-2-2024 ی بۆ ئەنجامدانی خولی شەشەمی هەڵبژاردنی پەرلەمانی كوردستان دەستنیشان كرد، بەڵام بەهۆكاری جیاجیا رەتكرانەوە.
زیاتر لە 3 ملیۆن و نیو دەنگدەر لەهەرێم هەیە
بەپێی زانیارییەكانی سایتی رەسمی یەكێتیی نیشتمانیی كوردستان PUKMEDIA، بۆ هەڵبژاردنی خولی شەشەمی پەرلەمانی كوردستان، 3 ملیۆن و 789 هەزار و 360 دەنگدەر هەن و لەو ژمارەیەش تائێستا 2 ملیۆن و 842 هەزار و 503 دەنگدەر كارتی بایۆمەترییان بۆ كراوە.
PUKMEDIA
هەواڵی زیاتر
-
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19
ئەمانەش ببینە
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
زۆرترین خوێنراو
-
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19