رێكخراوی پەیامنێران پێشێلكارییەكان ئاشكرا دەكات و زۆرترینی لە هەولێرە
کوردستان 05:08 PM - 2024-02-07پێشێلكارییەكان بەرامبەر بە رۆژنامەنووسان
لەپێشێلكارییەكانی بەرامبەر بە رۆژنامەنووسان و كەناڵ و دەزگاكانی راگەیاندن، پارێزگای هەولێر پلەی یەكەمی بە 78 حاڵەت گرتووە، پاشانیش پارێزگای دهۆك دێت كە 37 پێشێلكاری تێدا ئەنجامدراوە، هاوكات كەمترین پێشێلكاری لە پارێزگاكانی هەڵەبجە و سلێمانییە، كە بە هەردوو پارێزگاكە تەنها 21 حاڵەت تۆمار كراوە.
رێكخراوی پەیامنێران بۆ ماف و گەشەپێدانی رۆژنامەنووسان، ئاماری پێشێلكارییەكانی ساڵی 2023ی بەرامبەر بە رۆژنامەنووسان و كەناڵ و دەزگاكانی راگەیاندن بڵاوكردەوە، بەپێی ئامارەكە لەگەڵ ئەوەی حاڵەتەكانی پێشێلكاری بەرامبەر بە رۆژنامەنووسان كەمیكردووە، بەڵام پێشێلكاری بەرامبەر بە كەناڵ و دەزگاكانی راگەیاندن بەراورد بە ساڵی 2022 زیادیان كردووە.
زۆرترین پێشێلكاری لەهەولێر بووە
هۆزان قادر سەرۆكی رێكخراوی پەیامنێران بۆ ماف و گەشەپێدانی رۆژنامەنووسان، بە سایتی رەسمی یەكێتیی نیشتمانیی كوردستان PUKMEDIA ی راگەیاند: "لەكۆی 136 پێشێلكاری كە بەرامبەر بە رۆژنامەنووسان كراوە، زۆرترین پێشێلكاری لە پارێزگای هەولێر بووە كە 78 پێشێلكارییە، هەروەها پارێزگای دهۆك بە پلەی دووەم دێت كە 37 پێشێلكاری تێدا ئەنجامدراوە، هەر بەپێی ئامارەكان، پارێزگای هەڵەبجە كەمترین پێشێلكاری بەرامبەر بە رۆژنامەنووسان تێدا ئەنجامدراوە كە 10 پێشێلكاری بووە، هاوكات پارێزگای سلێمانی لەدوای هەڵەبجە بەپلەی دووەم دێت كە كەمترین پێشێلكاری رۆژنامەنوسانی تێدا ئەنجامدراوە كە 11 حاڵەت بووە".
زۆرترین دەستگیركردنی رۆژنامەنوسان لەهەولێر بووە
بەپێی ئامارەكانی رێكخراوی پەیامنێران بۆ ماف و گەشەپێدانی رۆژنامەنووسان، كە كۆپییەكی بۆ PUKMEDIA نێردراوە، زۆرترین حاڵەتی دەستگیركردنی رۆژنامەنووس لە هەولێر بووە كە 10 حاڵەت بووە، پاشانیش جارێكی دیكە پارێزگای دهۆك بەپلەی دووەم دێت كە 8 حاڵەتە، هاوكات لە پارێزگای سلێمانی 2 حاڵەت و لە پارێزگای هەڵەبجەش 1 حاڵەتی دەستگیركردن هەبووە، كە بەراورد بەهەردوو پارێزگاكەی دیكە و تەنانەت بەراورد بە ساڵانی رابردووی خودی دوو پارێزگاكەش، لە پارێزگای سلێمانی و هەڵەبجە، حاڵەتەكانی دەستیگركردنی رۆژنامەنووسان زۆر كەمی كردووە.
رێگری رۆماڵكردن
سەرۆكی رێكخراوی پەیامنێران بۆ ماف و گەشەپێدانی رۆژنامەنووسان دەڵێت:" بە بەراوورد بەساڵی 2022 هەرچەندە لە ساڵی 2023 دا حاڵەتەكانی پێشێلكاری بەرامبەر بە رۆژنامەنوسان لەهەرێمی كوردستان كەمیان كردوە، بەڵام پێشێلكارییەكان بەگشتی بەرامبەر بە رۆژنامەنووسان و كەناڵ و دەزگاكانی راگەیاندن لە 320 پێشێلكارییەوە بۆ 328 پێشێلكاری زیادیانكردوە.
لە ئامارەكانی رێكخراوی پەیامنێراندا هاتووە:"پێشێلكارییەكان بەرامبەر بە 16 كەناڵ و دەزگای راگەیاندن كراون، كە زۆرترین پێشێلكارییەكان خۆی لە رێگریكردن لە روماڵكردن دەبینێتەوەو لەم پێشێلكارییەشدا جارێكی دیكە هەولێر و دهۆك پلەی یەكەم دووەمیان گرتووە"
هەر لە راپۆرتەكەدا ئاماژە بۆ ئەوەكراوە:"جگە لەو حاڵەتانەی ئاماژەمان پێداون، 26 حاڵەتی نانبڕینی رۆژنامەنووس و 3 حاڵەتی گیانلەدەستدانی رۆژنامەنووس لەساڵی 2023 دا هەبوون.
PUKMEDIA
هەواڵی زیاتر
-
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
12:50 PM - 2024-05-19
ئەمانەش ببینە
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
زۆرترین خوێنراو
-
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19