سلێمانی دەبێتە پێشەنگی كۆڕبەندی نێودەوڵەتی داهێنان و كارسازی
کوردستان 04:29 PM - 2024-01-24كۆڕبەندی نێودەوڵەتی داهێنان و كارسازی
بۆ یەكەمینجار لە هەرێمی كوردستان و عیراق كۆڕبەندی نێودەوڵەتی داهێنان و كارسازی لەسلێمانی بەڕێوەدەچێت، كە ئامانج لێی پەرەپێدانە بە بیرۆكەو تواناو داهێنانی گەنجانە، بەم دەستپێشخەرییەی قوباد تاڵەبانی جێگری سەرۆكوەزیران، 300 میوانی تایبەت بەشداری كۆڕبەندەكە دەكەن و جێگری سەرۆك وەزیرانیش تەئكید لەدابینكردنی ژینگەیەكی گونجاو بۆ كارسازی دەكاتەوەو دەڵێت: "هاوكاری تەواوی ئەو خاوەنكارە گەنجانە دەكەین كە بیرۆكەی داهێنەرانەیان هەیە".
سوود لەتوانا و داهێنانی گەنجان وەردەگیرێت
بەئامادەبوونی 300 میوانی تایبەت و خاوەنكارو وەبەرهێن، چوار پڕۆژەی سەركەوتووی سمارت سولی لەكۆڕبەندی نێودەوڵەتی داهێنان و كارسازی نمایش دەكرێن.
بەخشین تەها فاتیح بەڕێوەبەری پڕۆژەی هاكاسۆنی سمارت سولی بە سایتی رەسمی یەكێتیی نیشتمانیی كوردستان PUKMEDIA ی راگەیاند: "یەكێك لەچالاكییەكانی كۆڕبەندە نێودەوڵەتییەكەی سبەینێ، نمایشكردنی چوار چاڵنج و ئاڵەنگارییە كە لەپڕۆژەكانی سمارت سولی لەكۆی 23 پڕۆژە هەڵبژێردراون و تایبەتن بە كەرتەكانی تەندروستی و كشتوكاڵ و رێگاوبان و ئاڵەنگارییەكانی هاتوچۆ".
"ئامانج لەكۆڕبەندی نێودەوڵەتی داهێنان و كارسازی، خستەڕووی كێشەكان و چارەسەری داهێنەرانەیە، بەسوود وەرگرتن لەو داهێنانانەی كە لەلایەن گەنجانەوە دەخرێنەڕوو، لەهەمانكاتدا، جگە لەسوودی گشتی، كەسی داهێنەر سوود لەپڕۆژەكە لێوەردەگرێت پڕۆژەكەی دەبێتە راستی و كاری پێدەكرێت و خاوەن بیرۆكەكە دەبێتە خاوەنی پڕۆژەكە"، بەخشین تەها وادەڵێت.
قوباد تاڵەبانی: ژینگەیەكی گونجان بۆ گەنجان دروست دەكەین
قوباد تاڵەبانی جێگری سەرۆك وەزیرانی هەرێمی كوردستان لەبارەی كۆڕبەندی نێودەوڵەتی داهێنان و كارسازی رایگەیاندوە: "پلانمان هەیە ژینگەیەكی گونجاو بۆ كارسازی دابین بكەین و هاوكاری تەواوی ئەو خاوەنكارە گەنجانە بكەین كە بیرۆكەی داهێنەرانەیان هەیە، كە ئامانجمان پەرەدانە بە بیرۆكەی داهێنەرانەو پێشخستنی كارسازی و بەهێزتركردنی كەرتی تایبەت".
ئامانجی سمارت سولی چییە؟
رۆژی 14-11-2023 كە هاوكات بوو لەگەڵ یادی بونیادنانی شاری سلێمانی، لەلایەن قوباد تاڵەبانی جێگری سەرۆكوەزیرانی هەرێمی كوردستانەوە پڕۆژەی سمارت سولی (سلێمانی زیرەك) دەستیبەكارەكانی كرد، كە ئامانج لێی دەستنیشانكردنی كێشەكان و بەشداریكردنی راستەوخۆ خەڵكە لەچارەسەری كێشەكان و گەشەپێدانی كۆمەڵگا، لەدوای دوومانگیش لەراگەیاندنی پڕۆژەكە، بڕیارە سبەینێ 25-1-2024 لەیەكەمین كۆڕبەندی نێودەوڵەتی داهێنان و كارسازی دا چوار گروپی سەركەوتووی پڕۆژەكە داهێنانەكانیان بۆ چارەسەری چوار كێشەی سەرەكی بخەنەڕوو.
PUKMEDIA
هەواڵی زیاتر
-
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
12:50 PM - 2024-05-19
ئەمانەش ببینە
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
زۆرترین خوێنراو
-
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19