وتهبێژی كۆمسیۆن: گهرهنتی ههڵبژاردنێكی شهفاف لهههرێم دهدهین
عیراق 10:45 AM - 2024-01-19جومانه غهلای وتهبێژی كۆمسیۆنی باڵای سهربهخۆی ههڵبژاردنهكانی عیراق
كۆمسیۆنی باڵای سهربهخۆی ههڵبژاردنهكانی عیراق ههڵبژاردنی داهاتووی پهرلهمانی كوردستان بهڕێوهدهبات و وتهبێژی كۆمسیۆنهكهش دهڵێت:"گهرهنتی ههڵبژاردنێكی پاك و شهفاف دهدهین".
كۆمسیاران بۆ ههڵبژاردنی پهرلهمانی كوردستان بڕیار دهردهكهن
جومانه غهلای وتهبێژی كۆمسیۆنی باڵای سهربهخۆی ههڵبژاردنهكانی عیراق به PUKMEDIA ی رایگهیاند:" كۆمسیۆنی باڵای سهربهخۆی ههڵبژاردنهكان به پێی یاسای ههڵبژاردن لهههرێمی كوردستان ههڵبژاردنی پهرلهمانی كوردستان بهڕێوهدهبات، هاوكات كۆمسیۆن كۆمهڵێك ڕێنمایی و بڕیار دهردهكات، لهگهڵ ئهو تۆمارو ئامێرانهی لهبهردهستدا ههیه، گهرهنتی ههڵبژاردنێكی پاك و شهفاف دهدات".
"دهستهی كۆمسیاران چهندین رێنمایی سهبارهت به ههڵبژاردنی پهرلهمانی كوردستان دهركردووه، كهله بڕگهیهكی یاساییدا هاتووه، كۆمسیۆن مافی خۆیهتی رێكاره پێویستهكان بگرێتهبهر بۆ دڵنیابوون له پاك و بێگهردی پرۆسهی ههڵبژاردن له ههرێمی كوردستان، ههروهها ههژماركردنی دهنگهكان به ههردوو سیستمی ئهلكترۆنی و دهستی دهبێت، وهك چۆن لهههڵبژاردنی ئهنجومهنی پارێزگاكاندا پهیڕهو كرا، لهئێستاشدا چاوهڕوانی بڕیاری دهستهی كۆمسیارانین بۆ ئهنجامدانی ههڵبژاردنی پهرلهمانی كوردستان"، جومانه غولای وایوت.
پشت بهتۆماری دهنگدهرانی عیراق دهبهسترێت
جومانه غهلای ئاماژه بهوهشدهكات: " كۆمسیۆن بۆ ههڵبژاردنی پهرلهمانی كوردستان پشت به تۆماری دهنگدهرانی عیراق دهبهستێت، چونكه پێی وایه تۆمارهكهپاكراوهتهوه لهدهنگی مردو و زیادهو ههروهها لهدایكبوانی ساڵی 2006 یش كه بۆ ئهمساڵ مافی دهنگدانیان ههیه زیاد كراون".
لهچهند رۆژی رابردووشدا سهرۆكایهتی ههرێم و وهفدی باڵای كۆمسیۆنی عیراق لهههولێر كۆبوونهوهو هاوڕابوون لهبارهی دیاریكردنی كاتێكی دیكه بۆ ههڵبژاردنی پهرلهمانی كوردستان، چونكه كۆمسیۆن پێیوایه ئهو وادهیهی كه لهلایهن سهرۆكی ههرێمی كوردستانهوه دیاریی كرابوو بۆ ههڵبژاردن كه رۆژی 25-2-2024 بوو، ناتوانن ههڵبژاردنێكی پاك و بێگهرد بهڕێوهبهرن.
یهكێتی چاوهڕوانی سكاڵاكهیهتی
پێشتریش زیاد جهبار سهرۆكی فراكسیۆنی یهكێتی لهخولی پێنجهمی پهرلهمانی كوردستان لهسهر ماددهكانی (1-9-15-22-36)ی یاسای ههڵبژاردنهكانی پهرلهمانی كوردستان سكاڵایهكی پێشكهشی دادگای فیدراڵی عیراق كرد، تاوهكو لهرێگهی ئهو سكاڵایهوه ههڵبژاردنی داهاتووی پهرلهمانی كوردستان، كار به یاسای ئهنجومهنی نیشتمانی كوردستانی عیراق بكات، كه ساڵی 1992 لهلایهن بهرهی كوردستانییهوه دهركراوه، بهڵام دوای سێجار دواخستن هێشتا ئهو سكاڵایهی یهكێتی یهكلا نهبوهتهوهو بڕیاره لهكۆتایی ئهم مانگهدا دادگای فیدراڵی لهسهر ئهو پرسه كۆببێتهوهو سهرۆكی فراكسیۆنی یهكێتیی نیشتمانیی كوردستانیش لهخولی پێنجهمی پهرلهمان چاوهڕوانی ئهنجامی سكاڵاكهیهتی.
PUKMEDIA
هەواڵی زیاتر
-
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
12:50 PM - 2024-05-19
ئەمانەش ببینە
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
زۆرترین خوێنراو
-
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19