هەرێم كەمال ئاغا: مافی كورد تەنها بە یەكڕیزی بەدەستدێت
کوردستان 11:10 AM - 2023-09-17هەرێم كەمال ئاغا
سەرۆكی فراكسیۆنی یەكێتی لە ئەنجومەنی نوێنەرانی عیراق رایدەگەیەنێت: "بەدەستهێنانی ماف و شایستە داراییەكانی هەرێم بە ئەركی خۆمان دەزانین و یەكڕیزی خاڵی سەركەوتنمانە، ئەگەر عیراق ئەو چوار ترلیۆن دینارەی كە هەرێم داوای كردووە بە دوو جار بینێرێت، دەتواندرێت مووچەی مانگەكانی 7 و 8 دابەشبكرێن".
یەكێتی بەدەستهێنانی شایستە داراییەكانی هەرێم بە ئەركی خۆی دەزانێت
هەرێم كەمال ئاغا سەرۆكی فراكسیۆنی یەكێتیی نیشتمانیی كوردستان لە ئەنجومەنی نوێنەرانی عیراق لە بەرنامەی 8ی بەیانی دەنگی گەلی كوردستاندا رایگەیاند: "هەموو هەوڵێك بۆ بەدەستهێنانی ماف و شایستە داراییەكانی خەڵكی كوردستان لە ئەنجومەنی نوێنەران بە ئەركی خۆمان دەزانین و پێشتریش یەكێتی و سەرۆكەكەی لە كاتی پەسندكردنی بودجەدا هەموو هەوڵێكیان خستەگەڕ بۆ ئەوەی مافی خەڵكی كوردستان لە چوارچێوەی بودجەدا دەستەبەر بكەین، بەڵام ئەوەی لە رابردوودا زیانی بە كۆی پڕۆسەكە گەیاند نا تەبایی و نەبوونی یەكڕیزی كورد بوو لە بەغدا".
مووچە لای لایەنەكان جگە لە نەوەی نوێ، بووەتە پرسێكی نیشتمانی
"كاتێك تیمی حكومەتی هەرێم و فراكسیۆنە كوردستانییەكان جگە لە نەوەی نوێ، سەردانی لایەنە عیراقییەكانمان كرد دوو سوودی هەبوو، یەكەمیان پرسی بە پارێزگابوونی هەڵەبجە بوو، دووەمیش لە پرسی بودجەدا هەوڵماندا مووچە لە ململانێ سیاسییەكان جیابكرێتەوە و هاووڵاتیان نەبنە قوربانی ناكۆكییەكانی نێوان هەرێم و بەغدا، بۆیە دەتوانین بڵێین پرسی بودجە و مووچە لە بەغدا بووەتە پرسێكی نیشتمانی لایەنە كوردستانییەكان جگە لە نەوەی نوێ" هەرێم كەمال ئاغا وادەڵێت.
یەكڕیزی خاڵی سەركەوتنە
سەرۆكی فراكسیۆنی یەكێتی وتیشی: "پێویستە لە هەرێمەوە هەوڵی یەكڕیزی و یەكخستنەوەی نێوماڵی كورد بدرێت، لە بەغداش یەكڕیزی لایەنە كوردستانییەكان زۆر گرنگە، چونكە ئەو دەستكەوتانەی بە دەستمانهێناوە بە یەكڕیزی بووە، ئەوەشی لە دەستمان داوە بە ناكۆكی بووە، بۆیە یەكڕیزی خاڵی سەركەوتنمانە".
راشیگەیاند: "سەردانی تیمی حكومەتی هەرێم بۆ بەغدا بۆ ئەوە بوو عیراق بە دوو جار قەرز بداتە هەرێم واتە هەرێم 800 ملیار دینار لە بەغدا وەربگرێت بۆ ئەوەی مووچەی مووچەخۆرانی پێبدرێت"، وتیشی: "پێویستە لەبارەی رسومات و داهاتە نانەوتییەكانەوە وەك پارێزگا مامەڵە لەگەڵ هەرێم نەكرێت بەڵكو وەك هەرێمێكی سەربەخۆ سەیری كوردستان بكرێت".
هەرێم كەمال ئاغا ئاماژەی بەوەشدا: "كۆبوونەوەكەی ئەمڕۆی ئەنجومەنی وەزیران بۆ پرسی بودجە و شایستە داراییەكانی هەرێم چارەسەرێكی بنەڕەتی نییە، بەڵام بابەتەكە مووچەی خەڵكە و ناكرێت پشتگوێ بخرێت، ئەگەر عیراق ئەو چوار ترلیۆن دینارەی كە هەرێم داوای كردووە بە دوو جار بینێرێت، دەتواندرێت مووچەی مانگەكانی 7 و 8 دابەشبكرێن".
بڕیارە پاش نیوەڕۆی ئەمڕۆ 17-9-2023، ئەنجوومەنی وەزیرانی عیراق كۆبوونەوەی ئاسایی خۆی ئەنجام بدات و گفتوگۆی چەند پرسێك و ئەو پێشنیارانە بكات كە وەفدی حكومەتی هەرێم لەبارەی ناردنی شایستە داراییەكانی خەڵكی هەرێمی كوردستان، پێشكەشی محەمەد شیاع سودانی، سەرۆكوەزیرانی عیراق و لایەنە سیاسییەكانیان كردووە.
PUKMEDIA
هەواڵی زیاتر
-
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19
ئەمانەش ببینە
یەکێتی سەرەخۆشی لە کۆماری ئیسلامی ئێران دەکات
10:26 AM - 2024-05-20
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
زۆرترین خوێنراو
-
دژەتیرۆر پێشوازی لەکەسوکاری سەربەرزی ئەنفالکراوان دەکات
کوردستان 10:07 PM - 2024-05-19 -
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
کوردستان 09:45 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19