پشكی هەرێم لەنێوان هەولێر و بەغدا گیردەخوات
کوردستان 10:34 AM - 2023-09-11لۆگۆی حكومەتی عیراق و حكومەتی هەرێم
حكومەتی عیراق بۆ پاكتاوی ژمێریی شەش مانگی یەكەمی ئەمساڵ داوای زیاتر لە 5 ترلیۆن دینار لەهەرێم دەكات و حكومەتی هەرێمیش بۆ دابەشكردنی مووچەی مانگەكانی تەمموز و ئابی مووچەخۆرانی، چاوەڕوانی پارە لەبەغدا دەكا، لەم نێوانەشدا پكشی هەرێم لەنێوان هەولێر و بەغدا گیریخواردوە.
تەیف سامی وەزیری دارایی عیراق لەگەڵ لیژنەی دارایی لە ئەنجومەنی نوێنەرانی عیراق كۆبووەوە و لە كۆبوونەوەكەدا گفتوگۆی كێشە داراییەكانی نێوان هەولێر و بەغدا كرا، ئەندامێكی لیژنەی داراییش دەڵێت: "وەزیری دارایی پێی راگەیاندین، حكومەتی هەرێم قەرزداری حكومەتی ناوەندە و پێویستە زیاتر لە 5 ترلیۆن دینار بگەڕێنێتەوە بۆ حكومەتی ناوەند".
یەك كورد بەشداری كۆبوونەوەی وەزیری دارایی و لیژنەی دارایی ئەنجومەنی نوێنەران بووە
د. نەرمین مەعروف ئەندامی لیژنەی دارایی ئەنجومەنی نوێنەران لە پشكی یەكێتی بەسایتی رەسمی یەكێتیی نیشتمانیی كوردستان PUKMEDIA ی راگەیاند: "وەزیری دارایی لە كۆبوونەوەی لەگەڵ لیژنەكەمان پێی راگەیاندین، كە شایستە داراییەكانی هەرێم-مان بە زیادەوە ناردووە، چونكە مامەڵەمان لەگەڵ هەرێمی كوردستان لە 6 مانگی یەكەمی ئەمساڵدا بەپێی رێككەوتن بووە نەك یاسای بودجە".
"بەپێی وتەی وەزیری دارایی لە 6 مانگی یەكەمی ئەمساڵدا بەڕێژەی یەك لەسەر دوانزەی رێككەوتنی فیعلی لەگەڵ هەرێم كارمانكردووە، بەپێی ئەو رێككەوتنەش هەرێمی كوردستان تەنها 2 ترلیۆن و 500 ملیار دینار شایستەیەتی، بەڵام بەپێی ئامارەكان لەماوەی ئەو 6 مانگەدا حكومەتی هەرێم بەداهاتی نەوتی و نانەوتی زیاتر لە 8 ترلیۆن دینار داهاتی هەبووە، بۆیە پێویستە حكومەتی هەرێم 5 ترلیۆن و 800 ملیار دینار بگەڕێنێتەوە بۆ حكومەتی ناوەند"، د. نەرمین مەعروف وای وت.
ئەوەشی خستەڕوو: "وەزیری دارایی و ئەندامانی لیژنەی دارایی لە ئەنجومەنی نوێنەرانی عیراق خوازیاربوون كێشە داراییەكانی نێوان هەولێر و بەغدا چارەسەربكرێن و لەكۆبوونەوەكەدا كە من وەك تاكە كورد بەشداربووم، داوایان كرد، حكومەتی هەرێم پابەندبێت بە رێككەوتن لەگەڵ حكومەتی عیراق و بەپێی یاسا كێشەكان چارەسەر بكرێن".
عیراق پابەندییە داراییەكانی بەرامبەر ھەرێم جێبەجێكردووە
هەر لەو بارەیەوە باسم عەوادی وتەبێژی حكومەتی عیراق رایگەیاند: "حكومەتی عیراق سەرجەم پابەندییە داراییەكانی بەرامبەر ھەرێم جێبەجێكردووە، تا كۆتایی مانگی حوزەیران ئەو پارانەی لە ئەستۆی ھەرێمە سێ ھێندەی پشكەكەیەتی".
وتەبێژی حكومەتی عیراق راشیگەیاند: "حكومەتی ھەرێم داھاتی نەوتی و نانەوتی تەسلیم نەكردووە"، "سەرەڕای ئەوەش حكومەتی عیراق بڕیاریداوە لێكەوتەكانی پابەندنەبوونی ھەرێم نەخاتە ئەستۆی ھاووڵاتیان و قەرز بدەنە ھەرێم تا كێشە داراییەكان چارەسەر دەبن".
حكومەتی هەرێم بۆ دابەشكردنی مووچە چاوەڕوانی عیراقە
لە بەرامبەردا حكومەتی هەرێم دابەشنەكردنی مووچەی مانگەكانی حەوت و هەشت بۆ خەرجنەكردنی شایستەكانی هەرێم لەلایەن بەغدا-وە دەگەڕێنێتەوە و دەڵێت، "هەرچی پێویست بووە و هەر پابەندییەك بەرامبەر حكومەتی فیدراڵ هەبێت جێبەجێمان كردووە".
ئەنجومەنی وەزیرانی هەرێم رۆژی چوار شەممە 6-9-2023، كۆبوونەوەی ئاسایی خۆی ئەنجامداو لە راگەیەندراوێكیشدا ئاماژەی بەوەدا: "بەهۆی خەرجنەكردنی شایستەكانی هەرێم لەلایەن بەغداوە، مووچەخۆران دوو مانگە مووچەیان دواكەوتووە، لە كاتێكدا هەرێم هەرچی پێویست بووە و هەر پابەندییەك بەرامبەر حكومەتی فیدراڵ هەبێت لە چوارچێوەی یاسای بودجە و دەستوور جێبەجێی كردووە".
لە راگەیەندراوەكەشدا هاتبوو: "مووچەی هەرێم لە ناو بودجەی عیراق وەكخۆی خەرج بكرێت و بەپێی دەستوور و چوارچێوەی بنەمای یەكسانی لەبەرامبەر جێبەجێكردنی یاساكان رەفتاری لەگەڵ بكرێت".
حكومەتی هەرێم چاوەڕوانی دوو ترلیۆن و 400 ملیار دینارە كە بەغدا وەك شایستەی دارایی بۆ مووچەی مانگەكانی تەمموز و ئاب بۆی بنێرێت، لە بەرامبەریشدا بەغدا داوای گەڕاندنەوەی 5 ترلیۆن و 800 ملیار دینار لە هەرێم دەكات، چونكە بەپێی ئامارەكان لەماوەی شەش مانگی یەكەمی ئەمساڵدا حكومەتی هەرێم بەداهاتی نەوتی و نانەوتییەوە زیاتر لە 8 ترلیۆن دینار داهاتی هەبووە.
ئەمەش لە كاتێكدایە، لە كۆبوونەوەی وەزیری دارایی و لیژنەی دارایی ئەنجومەنی نوێنەرانی عیراق تەنها یەك پەرلەمانتاری كورد كە ئەویش د. نەرمین مەعروف لەسەر پشكی یەكێتی بوو ئامادەبوو، هەرچەندە بەردەوام لە میدیاكانیانەوە پارتی پرسی مووچە و شایستە داراییەكانی هەرێم وەك پرسێكی نەتەوەیی بەگوێی هاووڵاتیاندا دەدەن، بەڵام بۆ ئەو پرسە گرنگە دوو نوێنەرەكەی پارتی لە لیژنەی دارایی لەكۆبوونەوەكەی لیژنەیەكەیان لەگەڵ وەزیری دارایی ئامادەییان نەبوو.
PUKMEDIA
هەواڵی زیاتر
-
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19
ئەمانەش ببینە
یەکێتی سەرەخۆشی لە کۆماری ئیسلامی ئێران دەکات
10:26 AM - 2024-05-20
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
زۆرترین خوێنراو
-
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19