Serok Bafil: Baweriya min bi diyaloga bi dijminan re heye

Kurdistan 09:08 PM - 2024-05-08

Serokê YNKê Bafil Celal Talebanî

Serokê Yekîtiya Niştimanî ya Kurdistanê (YNK) Bafil Celal Talebanî di hevpeyvînekê de ligel Enstîtuya Newline li Washingtonê got: Ez bi diyalogê bawer im, heta bi dijminan re.

Serok Bafil: YNK bi biryar û yekdeng e

Serok Bafil di serdana xwe ya Amerîka de di hevpeyvînekê de li Enstîtuya Newline li Washingtonê got: Niha YNK bi biryar û yekdeng e, Welatî li gorî hilbijartinên berê me dadbar dikin û ev jî dibe alîkar ku em di hilbijartinên pêş de zêdetir kursiyan bi dest bixin.

 

YNK û PDK du partiyên cuda ne

Di derbarê peywendiyên YNK û PDKê de jî Serok Bafil peywendiyên di navbera wan de ne aram wesif kir û got:“YNK û PDK du partiyên cuda ne, lewma xwedî îdeolojî, siyaset, pêkhate û ramanên cuda ne.’’
"Derbarê hêza me ya hevbeş de, ez difikirim ku têkiliyên me carinan xirab in û carinan pir xirab in, û ev yek bi welatên cîran re, nemaze zextên wan ve girêdayî ye, ji ber vê yekê têkilî zor rêkû pêk nînin lê başin " Serok Bafil dibêje.

Serok Bafil: Baweriya min bi diyalog û têgihiştinê heye

Ji aliyê din ve Serokê Yekîtiya Niştimanî ya Kurdistanê (YNK) bi berfirehî behsa pêwendiyên YNKê kir û got:"Ji bo Iraqê nêrîneke min heye. Ezê bi birayên xwe yên Amerîkî û Îranî re û piştre jî bi Serokwezîrê Iraqê re biaxivim. Me bi birayên xwe yên Amerîkî re mil bi mil şer kir û ne hêsan e ku em bêjin DAIŞ bi dawî bûye.

Serok Bafil got: "Ez bi diyalog û têgihiştinê bawer im. Bi baweriya min girîng e ku bi her kesî re, bi dijminan re jî diyalog were kirin. Heke hûn dixwazin aştî an dijminatiyê bikin, divê xwendin û têgihîştina me hebe, ji ber vê yekê em têkiliyê dixwazin." “Pêwendiyên min bi Îran û Amerîkayê re baş in û me gelek caran sûd wergirtiye.

Ev çend roj in Serokê Yekîtiya Niştimanî ya Kurdistanê (YNK) Bafil Celal Talebanî li Amerîkayê ye.  Di hevdîtinên siyasî û dîplomatîk de, ewê bi navend û enstîtûyên lêkolînê yên navneteweyî re jî çend gotûbêjan bike.

PUKMEDIA