Demirtaş: Ger Lazqiye bikeve ser dewleta kurdî li Sûriyê …

Demirtaş: Ger Lazqiye bikeve ser dewleta kurdî li Sûriyê ….

Hevserokê BDP`ê Selahedîn Demirtaş ragihand ku, li gor nexşeya rêya Rojhilata navîn ya nû wê (3) dewletên Kurdî li Êran, Êraq û Sûriyê ava bibin û eger herêma Lazqiyê ya li ser qiraxên derya Sipî bikeve ser wê dewletê wê demê pisgirêka Kurdan namîne.
Sernivîserê malpera Haberturkê Fatîh Altaylî, dema Demirtaş diçe mêvandariya buroya Haberturkê çend pirsan jê dipirse. Li ser pirsa AKP`ê xwedî li sozên xwe dernekeve, wê çek dîsan bikevin dewrê?. Demirtaş weha bersiva wî dide: “Em bi zelalî dibêjin, têkoşîna çekdarî hate daxistin. Ji niha û pêve têkoşîna çekdarî ya PKK`ê li Tirkiyê ne giringiye xwe û ne jî pêwîstiya xwe heye.”
Demirtaş got: “Eger AKP`ê Tirkiyê berve azadiyê ve bibe gelekî başe, eger nebe jî emê bi siyasî fişarê bixin ser wan. Lê êdî ji niha û pêve li Tirkiyê pirsgirêka Kurd bi çekan çareser nabe.”
Demirtaş weha berdewam kir: “AKP`ê sozên xwe bixwe nexwe êdî li têkoşîna çekdarî veger tune ye, ji niha û pêve bi rêyên demokratîk, bi rêyên siyasî emê Tirkiyê berve demokrasiyê û azadiyê ve bibin.”
Selahedîn Demirtaş bal kişand ser hevsengiyên rojhilata navîn û pêşveçûnên li Sûriyê û got: “3 dewletên kurdî dibe , li Êranê dewleta kurdî, li Êraqê dewleta kurdî û li Sûriyê dewletek kurdî. Li Sûriyê weke Êraqê statuya Kurd mumkine. Li Sûriyê eger Lazqiyê jî bikevbe ser statuya Kurd pirsgirêka Kurdan ya herî mezin ji hole radibe. Ger em bighên deryayê. Girêdana bi Tirkiyê re pêwîst nake.”
Fatih Altaylî ji Demirtaş dipirse, lê Kurdên Tirkiyê? Demirtaş got: “Pêwîst nake, lê dibe, li Tirkiyê jî (Konfedrasyona Tirk-Kurd) çê dibe, wê hêzek mezin be dive em vê yekê bibînin.”

Jêder: Haberturk/ Radîkal