"Birîtanya di şerê li dijî terorê de pabende bi erkên xwe"

serokkomar Masûm û Filîp Hamond

Serokkomar Fuad Masûm îro yekşemê li koşka Selam li Bexdadê li gel wezîrê karê derve yê Birîntanya Filîp Hamond û şanda digel de ye civiya.

Di civînê de Serokkomar Masûm di serî de bi xêrhatin li Hamond kir û bal kişand ser bi peywendiyên bi hêz di navbera Birîtanya û Êraqê de, her wiha tekez li ser wê yekê ku divê ev peywedî di warên cuda de bêne pêşxistin û pêşve birin.

Serokkomar her wiha piştgiriya Birîtanya di şerê li dijî terorê de dide Êraqê berz nirxand.

Serok Masûm ji aliyekî din ve baş kişand ser bi rewşa navxweyî ya Êraqê û xabatên ji bo lihevhatina giştî di çarçoveya destûrê û zangonan de bête kirin, her wiha da xuya kirin ku divê penaber vegerin war û deverên xwe yên ji terorîstan hatine paqijkirin.

Serokkomar ji aliyekî din ve rêkeftina di navbera Hikûmeta Herêma Kurdistanê û Bexdadê de nirxand û da xuya kirin ku herdu alî ji bo rêkeftin bête cîbicî kirin  û astengî bêne ber alî kirin tevger û xebat dikin.

Ji aliyê xwe ve wezîrê karê derve yê Birîtanya Filîp Hamond da xuya kirin ku rola serokkomar Masûm a dinavbera aliyan de dilîze û hewldide nêrîn û dîtina aliyan ji hev nêz bike û li hember êrişa terorê bi ser Êraqê de helwesteke yekgirtî ava bike gelekî girînge û berz nirxand.

Her wiha wezîrê karê derve yê Birîtanya tekez li ser wê yekê kir ku Birîtanya di şerê li dijî terorê pabende bi piştgirîkirin li Êraqê û pêşkêşkirina alîkariyên pêwîst.

PUKmedia