Perspektîfa jiyana nû ... Selma Irmak
kurdistani 11:35 AM - 2015-03-23Selma Irmak
Dema ku em li dîroka Tirkiyeyê binêrin ev xala girîng tê pêşiya me; ev xal di esasê xwe de qirkirina gel û çanda gelan e. Dema ku ev dewlet ji hêla elît, leşker û burokratan ve hat sazkirin, li ser bîrdoziya tirkîtiyê hat avakirin. Gelên ku bi hezar salan li Anatolyayê jiyabûn; bi vê bîrdoziyê hatin înkarkirin, qirkirin û pişaftin. Dewlet û elîtên wî xeynî tirkan nehiştin tu gelên din bi jiyana azad li ser vê xakê bijîn. Partiyên siyasî, komên sivîl, qanûn, makeqanûn li ser tunebûna gelan hatin avakirin. Îro jî ev pergal hîn didome. Lê hinek nuansên biçûk hatine guhertin. Îro nema dikarin bibêjin ku ev gel tunene. Lê mafên wan nadin wan. Ya bi rastî ji destên wan bê wê dîrokê paşve bizîvirînin lê ew dem derbas bû. Îro hilbijartinek dîrokî li peşiya me ye; ev hilbijartin ji yên borî girîngtir e. Di vê hilbijartinê de HDP wê benda faşîzmê ya %10’an bi gelên demokratîk re hilweşîne. Partiyên siyasî yên Tirkiyeyê AKP, CHP, MHP û hwd. siyaseta xwe li gorî pergala dewletê pêk anîne. Ev pergal bi salan bi helwestek antîdemokratîk hatiye meşandin; têkoşîna demokrasiyê, dengên gelan ku mafên xwe parastine, mafên jinan hwd. tu carî guhdar nekiriye û nedîtiye. Ev pergal bi salan bersiva xwe bi awayakî tund, kuştin, windakirin, înkarkirinê daye. Partiyên pergalê, siyaseta xwe li ser vê esasê ava kirine.
Çimkî sedema hebûna wan ev e. Tevgera Kurd di serî de li dijî vê pergala dewletê têkoşînê dimeşîne û nêrînên nûnerên dewletê napejirîne. Têkoşîna kurdan, hem bîrûbaweriya dewletê hem jî ya gelê tirk û gelê li Tirkiyeyê dijîn guherand. Ev guherandin bi zor û zehmetî hatiye asteke girîng. Îro ev asta girîng ku em ê berhemên wê bi hevdûdin û encama hilbijartina 7’ê Hezîranê bi hev re girêdayî ye. Di encama hilbijartina serokomariye de rastiyek derket pêşiya me; ev rastî jî di bin sîwana HDP’ê de gelên Tirkiyeyê hêviyên azad ên ‘Jiyana Nû’ dîtin û şitil di dilê wan de hat çandin. Ji ber vê yekê HDP û siyaseta wê li her deverê tê nîqaşkirin û bîrûbaweriyê diguherîne. Gelek nivîskar û akademîsyen bi aşkera dibejin ku ew ê dengê xwe bidin HDP’ê. HDP’ê, bîrdozî, hebûn û siyaseta xwe li ser gelan û mafên wan ên xwezayî ava kiriye. Meriv dikare bibêje ku HDP, gel û mafên wan wekî ‘Bûka Baranê’ dibîne û rengê wan bi tevahî temsîl dike û siyaseta xwe li ser vê esasê bi bingeh kiriye. Reng û cudabûna gelan înkar nake, ew xwe çawa dibîne wan wisa dipejirîne. Di vê siyasetê de ermenî, kurd, tirk, ereb, laz, çerkez û hwd. gel hemû cih digirin.
Bi rastî jî gotina ‘Jiyana Nû’ ya HDP’ê esasa xwe ya bingehî ji Rêberê Gelê Kurd Abdullah Ocalan girtiye. Felsefe û nêrînên wî yên ku li ser Tirkiye û Rojhilata Navîn hêdî hêdî tên cih. Ew pergala ku dixwaze ava bike; bi rastî jî çareserkirina pirsgirêkên herêmê tevahî ne. Îro li vê heremê jiyan û pergal di serî de her tişt xetimiye. Ev kaosa Rojhilata Navîn an wê berdewam bike yan jî li gorî fikir û ramanên wî wê jiyan û pergalek nû ava bibe. Îro li rojavayê Kurdistanê li gorî vê felsefeyê pergaleke nû ava dibe. Di vê pergalê de rastiyên gelan tên ziman. Her gel û ol li gorî reng û teşeyê xwe li vê pergala kantonan cih digire. Ev ji bo Rojhilata Navîn cara yekemîn e. Ji ber wê pergala Rojava pir girîng e. Divê ku her kes lê xwedî derkeve. Da ku her gel bi reng û xemla xwe li vê xaka qedîm bijî.
PUKmedia/Azadiya Welat
hewal ziyatr
-
Dije Teror û Asayîşê derbarê rudawa li Silêmanî daxuyaniyek dan
04:47 PM - 2024-04-19 -
Konsulê Rûsyayê: Yekîtî di pêşxistina aştî û diyalogê de xwedî roleke girîng e
09:38 PM - 2024-04-18 -
Yekîtî ji bo hilbijartinan amade ye
08:03 PM - 2024-04-18 -
Komisyonê roja destpêkirina kampîên hilbijartinan ragihand
01:04 PM - 2024-04-18
zêdetir tamaşe bike
Birîna 160 milyon dînar ji mûçeyê parlementerên ku beşdarî civînan nebin
01:35 PM - 2024-04-19
Dahata Silêmaniyê di heftiyekê de zêdey 7 milyar dînar e
10:31 AM - 2024-04-19
Encumena Serkirdayetiyê: Hilbijartinên dadperwer di dema xwe de pêkhateya Herêmê bihêz dike
07:03 PM - 2024-04-18
Encumena Serkirdayetî amadekariyên bo hilbijartinan gotûbêj dike
10:07 AM - 2024-04-18
zortrin xwendraw
-
Encumena Serkirdayetiyê: Hilbijartinên dadperwer di dema xwe de pêkhateya Herêmê bihêz dike
Kurdistan 07:03 PM - 2024-04-18 -
Konsulê Rûsyayê: Yekîtî di pêşxistina aştî û diyalogê de xwedî roleke girîng e
Kurdistan 09:38 PM - 2024-04-18 -
Yekîtî ji bo hilbijartinan amade ye
Kurdistan 08:03 PM - 2024-04-18 -
Dahata Silêmaniyê di heftiyekê de zêdey 7 milyar dînar e
Aborî 10:31 AM - 2024-04-19 -
Birîna 160 milyon dînar ji mûçeyê parlementerên ku beşdarî civînan nebin
Kurdistan 01:35 PM - 2024-04-19 -
Dije Teror û Asayîşê derbarê rudawa li Silêmanî daxuyaniyek dan
Kurdistan 04:47 PM - 2024-04-19 -
Yûsif Goran: Hilbijartin teke rêya derketina Herêmê ji wê rewşê ye
Kurdistan 08:34 PM - 2024-04-19