Serdana Gora Mîrê Mîr Bedirxan li Şamê
kurdistani 06:56 PM - 2014-11-16Serdana Gora Mîrê Mîr Bedirxan li Şamê
(Mîro! Eger welatîyên we di nav xwe de li yekîtîyeke pîroz ne gerin wê kî ji wan re lê bigere?!)
Konê Reş
Rêzdara hêja, xanima delal Solîn Hacador!
Ez ji dil û can van gotinên xwe ji cenabê te re pêşkêş dikim û her wiha spasiya wan gotinên te yên xweş derbarî min dikim û dibêjim; Bi hêvî me ku ez karibim wiha li gor dilê te û dilsoz û wefadarên gelê Kurd berdewam bikim.. Ez jî vê serdana xwe a ser gora mîrê Cizîra Botan Mîr Bedirxan û herdû neviyên wî Mîr Celadet û Rewşen xanim diyarî cenabê te dikim.
Li Şamê di quntara çiyayê Qasiyon de gora mîrê Cizîra Botan mîr (Bedirxanê Azîzî: 1802 - 1868) di bin xanîkî de di rex gora Şêx Xalidê Neqişbendî de bi cih dibe Di eynê gorê de nevîyê wî mîr Celadet Bedirxan pêre gorê parvedike Di wî xanîkî de di rex gora wan de gora Rewşen Xanim Bedirxan e.
Di serdanekê de ji van herdu goran re ev çend gotin bi hêsrên pênûsa min hatin rêz kirin:
Erê erê Mîrekên Botan!
Eger îro hîn di vî xanîkê ser çiyayê Qasiyon de nivistîne
bê his û deng raketîne bê guman;
hûn di bîr û baweriya gelê Kurd de zindî ne…
tevî ku ji mêj ve morîka xewê avêtiya ser çavên we
lê wek ku hûn ne mirîne,
hêjî hûn ji gelê Kurd re xwedî ne..
Mêzekin mêzekin!
Bê çawa welatîyên we, xwe li dor gora we dane hev û civîne,
Qasiyon ji xwe re kirine çiyayê (Cûdî) û (Herekolê Azîzan)
ta di mirinê de jî, çavê wan li we ye û bi hêvîne ku
di bin siya dilsozîya wede buhiştê ji xwe re pêk bînin!
Mîrekên Botan!
Tevî ku hûn ne di gorên gernas û mêran de
hatine veşartin,
dûrî Cizîrî Xanî û Memê Alan hatine raketin,
hîm û latên (Birca Belek) di nav ava (Dicle) de
hatine binavkirin..
Va îro, gora we, di nav xaka biyaniyan de
wek qublegehekê lê tê mêzandin…
Mîrekên Botan!
Eger welatîyên we di nav xwe de
li yekîtîyeke pîroz ne gerin
wê kî ji wan re lê bigere?!
Eger li zimanê dê û bavê xwe bixwedî dernekevin
wê kî ji wan re lê bi xwedî derkeve?!
Eger di cejin Newroz û sersalan de
gurzên gula li ber serê we daneyîn in?!
wê kî deyne wê kî deyne..??
Konê Reş
PUKmedia
hewal ziyatr
-
Dije Teror û Asayîşê derbarê rudawa li Silêmanî daxuyaniyek dan
04:47 PM - 2024-04-19 -
Konsulê Rûsyayê: Yekîtî di pêşxistina aştî û diyalogê de xwedî roleke girîng e
09:38 PM - 2024-04-18 -
Yekîtî ji bo hilbijartinan amade ye
08:03 PM - 2024-04-18 -
Komisyonê roja destpêkirina kampîên hilbijartinan ragihand
01:04 PM - 2024-04-18
zêdetir tamaşe bike
Qubad Talebanî: Aramiya Silêmaniyê xeta sor e
10:10 PM - 2024-04-19
Yûsif Goran: Hilbijartin teke rêya derketina Herêmê ji wê rewşê ye
08:34 PM - 2024-04-19
Birîna 160 milyon dînar ji mûçeyê parlementerên ku beşdarî civînan nebin
01:35 PM - 2024-04-19
Dahata Silêmaniyê di heftiyekê de zêdey 7 milyar dînar e
10:31 AM - 2024-04-19
zortrin xwendraw
-
Yûsif Goran: Hilbijartin teke rêya derketina Herêmê ji wê rewşê ye
Kurdistan 08:34 PM - 2024-04-19 -
Dije Teror û Asayîşê derbarê rudawa li Silêmanî daxuyaniyek dan
Kurdistan 04:47 PM - 2024-04-19 -
Qubad Talebanî: Aramiya Silêmaniyê xeta sor e
Kurdistan 10:10 PM - 2024-04-19 -
Pêşxistina mûçeyên karmendan pêwîstî bi erêkirina Bexdayê heye
Kurdistan 12:03 PM - 2024-04-20