Piştî Skotlanda Katalonya berve referandûmê diçe
kurdistani 03:26 PM - 2014-09-28Piştî Skotlanda Katalonya berve referandûmê diçe
Piştî referandûma serxwebûnê ya li Skotlanda yê, herêma Katalonya ya xweser a Spanyayê jî, wê di 9'ê Mijdarê de dengdana serxwebûnê bike. Lê belê rêveberiya Madrîd bi dijwarî li dijî referandûmê derdikeve.
Li paytexta Katalonya Barcelonayê, Serokê Herêmê Artur Mas duh biryarnameyek weşand û ragihand ku wê referandûma serxwebûnê bê lidarxistin. Li gorî biryarnameyê wê gelê Katalonyayê di 9'ê Mijdarê de biçe ser sindoqan û dengê xwe ji bo serxwebûn yan jî girêdana bi Spanyayê, bikar bîne.
Mas di daxuyaniya xwe de diyar kir ku mîna tevahiya gelên li cîhanê gelê Katalan jî xwedî mafê diyarkirina çarenûsa xwe ye û destnîşan kir ku referandûm pêkanînek demokrasiyê ye. Mas da xuyakirin ku ew ê nêrînên cuda yên di navbera wan û Madrîdê de bi vê rê çareser bikin.
Mas da zanîn ku Katalonya ev 7 sed sal in rêveberiya xwe diparêze û ew jî Serokê 129. ê Katalan e û got, "Demeke dirêj e ku Katalan dixwazin wê kêliya Katalonya mezin bibînin. Ez ji her kesên ku ji me re bûne alîkar spas dikim. Ev roj wê bibe rojeke ku em ê her tim bibîr bînin." Serokê Katalan destnîşan kir ku pêvajoya serxwebûnê xwe dispêre "hurmeta li bingehên qanûnî, lêgerîya diyalogê, lihevkirina siyasî û aramiya berfireh a civakî."
Mas ragihand ku divê hurmet ji biryarnameya wî îmze kiriye re bê nîşandan û di axaftina xwe ya bi zimanê Îngilîzî ji bo lîderên Ewropî kir de jî diyar kir ku 2 ji 3 parên parlamenta Katalan referandûmê dixwazin, lewma wî biryarnameya li ser referandûmê mor kiriye. Mas got, "Em dizanin ku rêya herî medenî ya çareseriya pirsgirêkên navneteweyî, demokrasî ye."
Piştî axaftinê Mas û lîderên partiyên siyasî yên beşdarî merasîma îmzeyê bûn, ji avahiya Palau de la Generalitat derketin û girseya gel a bi qîrîna dirûşmên "serxwebûnê" li benda wan bû, silav kirin. Li qadê pankarta bi nivîsa "serxwebûn" hat vekirin û dirûşmên "Bijî Katalonya" hatin qîrîn.
Li gorî biryarnameyê wê referandûm di 9'ê Mijdarê de pêk were û pirsa bi du bersivan ji Katalanan bê pirsîn. Di ya yekemîn de wê pirsa "Hûn dixwazin Katalonya bibe dewletek?" bê pirsîn û ji bo yên bersiva "erê" dane vê pirsê wê pirsa "Hûn dixwazin ev dewlet serbixwe bibe?" were kirin.
Biryara referandûma serxwebûna Katalonya ku ji bo aboriya Spanyayê xwedî girîngiyeke mezin e, li nerazîbûna hikûmeta Madrîdê rast hat. Tê payîn ku bi rêjeyeke bilind biryara serxwebûnê ji herêmê derkeve.
Alîkarê Serokwezîrê hikûmeta Spanyayê Saenz De Santamaria diyar kir ku biryara referandûmê li dijî Destûra Bingehîn e û rêveberiya Katalan xeteyeke gelekî mezin dike.
PUKmedia / Ajans
hewal ziyatr
-
Komisyonê berdewambûna amadekariyên bo hilbijartinan piştrast dike
01:41 PM - 2024-04-25 -
Qubad Talebanî: Her rojek bîranîna tawanekê ye
05:53 PM - 2024-04-24 -
Serok Bafil beşdarî merasîma cenazeyê rêheval Elî Şemar dibe
07:47 PM - 2024-04-23 -
Serfermandarê hêzên Alman serdana aramgeha Serok Mam Celal kir
12:49 PM - 2024-04-23
zêdetir tamaşe bike
Serok Bafil: Yekîtî berdewame ji bo qerebûkirin û xizmetkirina xelkê Qeladizê
02:16 PM - 2024-04-24
Amerîka: Rewşa azadî û mafên mirovan ber bi paşvebûnê ve diçin
01:51 PM - 2024-04-24
50 Sal bi ser bombebarankirina Qeledizê û Zanîngeha Silêmanî re derbas bû
09:45 AM - 2024-04-24
Merasîma xelata zêrîn a Bile birêve diçe
05:11 PM - 2024-04-23
zortrin xwendraw
-
Amerîka: Rewşa azadî û mafên mirovan ber bi paşvebûnê ve diçin
Kurdistan 01:51 PM - 2024-04-24 -
Serok Bafil: Yekîtî berdewame ji bo qerebûkirin û xizmetkirina xelkê Qeladizê
Kurdistan 02:16 PM - 2024-04-24 -
Hewlêr û Bexda di tomarkirina binpêkirinan de di pêş de ye
Rêportaj 09:14 PM - 2024-04-24 -
Qubad Talebanî: Her rojek bîranîna tawanekê ye
Kurdistan 05:53 PM - 2024-04-24 -
Komisyonê berdewambûna amadekariyên bo hilbijartinan piştrast dike
Kurdistan 01:41 PM - 2024-04-25