Parêzgarê Kerkûkê pesna hêzên pêşmerge dike

Parêzgarê Kerkûkê pesna hêzên pêşmerge dike

Duh roja yekeşemê 31/8/2014 parêzgarê Kerkûkê Dr. Necmedîn Kerîm bi amadebûna cîgirê parêzgar li gel lijneya emnî, birêvebirê giştiyê polîs, serpereştiyarê bazina Kerkûkê yê hêzên pêşmerge û fermandarên hêzên pêşmerge û birêveberiya dazgeha assayîşê civiya.

Di civînê de Dr. Necmedîn Kerîm li ser pêşveçûnên dawî yên emnî rawestiya û cext li ser parastina welatiyên Kerkûkê û zêdekirina dewriyeyên hevbeş li bajarê Kerkûkê bo aramiya bajêr kir.

Dr. Necmedîn stayîşa rola hêzên pêşmerge kir ku li navçeyên sînorî ên Kerkûkê ne û her weha pesna rola polîs û asayîşê di parastina asayîşa bajêr de jî kir.

Parêzgarê Kerûkê û serokê lijneya emnî ya Kerkûkê daxwaz ji welatiyên Kerkûkê kir ku yekrêz bin û piştevanê hêzên emnî û fermangehên xizmetguzariyê bin bo parastina parêzgehê li dijî terorîstan.

PUKmedia