"Weku car caran ez ligel we pêşmerge me û amade me ta nefesa dawî ligel we bim"
kurdistani 01:30 PM - 2014-08-31Kosret Resûl li rêgehên şer
Cîgirê serokê Herêma Kurdistanê Kosret Resûl Elî bi tev Dr.Berhem Salih û Şelaw Kosret Resûl roja şemiyê sibê serdana rêgeh û bereyên şerê pêşmerge li dijî terorîstên DAIŞ kirin.
Her wiha li bajarê Xaneqînê ligel her yek ji berpirsê desteya kargêr ê mekteba siyasî ya YNK`ê Mela Bextiyar, endamê mektea siyiasî û berpirsê hêzên pêşmerge li rêgeha Celewla Mehmûd Sengawî, Fermendarê hêza hefte Şêx Cafer Şêx Mustfa û hejmarek din ji endamên serkirdeyetiya YNK`ê civînek lidar xist.
Cîgirê serokê Herêmê di civînê de destxweşî li hemû fermande û berpirsên pêşmerge yên li rêgehên şerine kir û soz da ku dê bêtir hevkar bin û piştevaniyê bidin hêzên pêşmerge.
Cîgirê serokê Herêmê piştre berê xwe da rêgehên şer ên li Huseyniya û Neqişbendî, Kosret Resûl li rêgehên şer ji pêşmergeyan re axivî û got: Ez di her dem û bardoxan de bi tiştê hun dikin şanazim û xwe yek ji we dibînim, ew qehremanî û canfedayiya we lotka lixwebûrdin û bexşana mirovê Kurd e ji bo xak û nîştiman, ev şerê niha em rû bi rûyê mane ne bitenê şerê ji bo nîştiman e, lê ew cenge li dijî paşverûtiya fikirî, cenge li dijî talankirina xak û nîştimane, şeref û namûsa vê netewî ye, hun ji ber hemû mirovatiyê şer dikin, ji ber azadîxwazan, nûxwazan û aştîxwazên cîhanê şer dikin.
Kosret Resûl di berdewamiya axaftinê de got; Bi rastî hun pêşeng û pêşewa şerê li dijî terorêne li cîhanê, ez we dilniya dikin em`ê di vê şerî de bi serkevin, wa hun dibînin bereya şerê li dij terorê berferh dibe û kargertir dibe û asoya rojeke nû ya pir bextewer li vî welatî hiltê.
Cîgirê serokê Herêmê di beşek din ji axaftina xwe de got; Ez weku car caran li gel we weku we pêşmerge me û amade me ta henase (nefesa) dawî li bermberî terorê di cengê de ligel we bim û bi hemû hêza ligel we hevkar bim û piştevaniyê bidim we pêşmergeyên qehreman.
Piştre Dr.Berhem Salih axivî û got; Berxwedan û berevaniya we li xaka Kurdistanê cihê şanazî û serfiraziyê ye bo me û hemû gelê Kurd, qehremaniya we bi ser hemû Kurdistanê de deng veda.. û boye cihê rêz û destxweşiyê, ez bi we yek bi yek serfirazim.
Hêzên pêşmerge yên qehreman ji aliyê xwe ve bidîtina Kosret Resûl Elî fermandarê rojên zor û dijwar û şerên giran, bêtir wêrek bûn û soza dan serokê Herêmê ta dilopa xûna xwe ya dawî xaka Kurdistanê û nîştiman biparêzine.
PUKmedia / Pukpb
hewal ziyatr
-
Şalaw Kosret Resûl: Divê xizmeta herî baş bê pêşkêşkirin
09:56 PM - 2024-04-25 -
Komisyonê berdewambûna amadekariyên bo hilbijartinan piştrast dike
01:41 PM - 2024-04-25 -
Qubad Talebanî: Her rojek bîranîna tawanekê ye
05:53 PM - 2024-04-24 -
Serok Bafil beşdarî merasîma cenazeyê rêheval Elî Şemar dibe
07:47 PM - 2024-04-23
zêdetir tamaşe bike
Serok Bafil: Yekîtî berdewame ji bo qerebûkirin û xizmetkirina xelkê Qeladizê
02:16 PM - 2024-04-24
Amerîka: Rewşa azadî û mafên mirovan ber bi paşvebûnê ve diçin
01:51 PM - 2024-04-24
50 Sal bi ser bombebarankirina Qeledizê û Zanîngeha Silêmanî re derbas bû
09:45 AM - 2024-04-24
Merasîma xelata zêrîn a Bile birêve diçe
05:11 PM - 2024-04-23
zortrin xwendraw
-
Hewlêr û Bexda di tomarkirina binpêkirinan de di pêş de ye
Rêportaj 09:14 PM - 2024-04-24 -
Komisyonê berdewambûna amadekariyên bo hilbijartinan piştrast dike
Kurdistan 01:41 PM - 2024-04-25 -
Şalaw Kosret Resûl: Divê xizmeta herî baş bê pêşkêşkirin
Kurdistan 09:56 PM - 2024-04-25