Şandek ji Jinên YNK`ê serdana Gerîlayên YJA Star kirin
kurdistani 06:23 PM - 2014-08-30Şandek ji Jinên YNK`ê serdana Gerîlayên YJA Star kirin
Şandek ji Jinên Yekîtiya Nîştimanî ya Kurdistanê bi mebesta piştgirî li hêzên YJA Star a li Kerkûkê ne bikin bi serpereştiya berpirsê baskê jinan a YNK`ê li Kerkûkê Lewa Xan serdana yekîneyên YJA stas a li Kerkûkê bi cih bûne kir.
Piştî ku rêxistina teror DAIŞ êriş anî bi ser Herêma Kurdistanê û navçeyên ji Kurdistanê hatine birîn, bi mebesta li dijî DAIŞ şer bikin û piştgiriyê bidin hêzên pêşmerge yekîneyên HPG`ê û YJA Star li deverên cuda cuda li bereyên şer li başûrê Kurdistanê cih girtin.
Şanda Jinên YNK`ê yên li Kerkûkê bi mebesta piştgiyên bidin berxweda Jinên di nav refên YJA star de cih digrin serdana yek ji yekîneyên YJA Stas kir, şand ji aliyê fermandarên YJA Star li Kerkûkê Nûve Rojhat û Tamara Warjîn ve hate pêşwazî kirin.
Di serdanê de êrişên rêxistina terorê yên bi teybet Jinan dikine armanc hatine nirxandin, berpirsê baska jinan Lawa Xan di axaftina xwe de ya di hevdîtinê de bal kişand ser hovîtiyên çeteyên DAIŞ’ê yên li hemberî jinan û got: “Heta niha di hemû şerên hatine jiyîn de hilweşîna herî mezin jinan jiyaye. Di şerê Îraqê de bi hezaran jin hatin kuştin û tecawizkirin. Herî dawî bi hezaran jin ji aliyê DAIŞ`ê ve hatin revandin, destdirêjî lê kirin û firotin. Em niha dibihîsin ku jinên hatine revandin bi 25 hezar dînarî difiroşin mêran. Ev yek jî hemû jinên Kurdistana Îraqê tirsandiye."
Lawa Xan di berdewamiya axaftina xwe de da zanîn ku gerîlayên jin bandorek mezin li ser herêmê kirine û got: “Gelê Herêmê ji hatina gerîlayên HPG û YJA STAR’ê kêfxweşe. Bi taybet jî gerîlayên jin eleqeyek mezin dibînin. Ji ber berxwedana gerîlayên jin a li dijî çeteyên DAIŞ’ê gelek jin dixwazin serdana wan bikin.
Fermandar Nûve Rojhat jî ji ber serdanê kêfxweşiya xwe anî ziman û da zanîn ku jinên di şer de zerarek mezin dibînin divê li dijî her cure êrîşê parastina xwe ya rewa bikin.
Rojhat got: “Di şerên pêk tên de herî zêde jin zerarê dibînin. Ji ber vê divê jin xwe bînin asta ku dikarin parastina xwe ya rewa dikin. Divê tu jin xwe ji însafa mêr re nehêle. Divê jin bizanin ku ew dikarin bibin hêza parastina xweser. Artêşa gerîlayan a YJA STAR’ê bi pratîka xwe ya 21 salî ev nîşanê hemû cîhanê daye.
Fermandar Tamara Warjîn jî pêşniyar kir ku ew bi piştgirya baskên jinan a YNK`ê amade ne ku ji bo jinên Başûr perwerdeya leşkerî ya parastina xweser bidin. Warjîn got ku ji bo parastina jinan tiştekî wisa pêwîst e.
Jinên YNK`ê erênî nêzî pêşniyarê bûn û diyar kirin ku ji bo ev bigihêje rêxistinbûnekê divê di nava xwe de nirxandinan bikin û ji bo ku di demeke nêz de bikeve jiyanê dê çi bikeve ser milê wan bikin.
PUKmedia / ANF
hewal ziyatr
-
Xanima Yekem banga bilindkirina rola jinan di medyayê de dike
09:42 AM - 2024-03-28 -
Guhertinên nav Ragihandinê ya YNK’ê dê bên pêkanîn
09:02 PM - 2024-03-27 -
Navenda Lêkolînê ya YNK’ê dest bi avakirina kapasîteya partiyê ya xwendina bilind kir
06:23 PM - 2024-03-27 -
Dîdara Silêmaniyê dê di meha nîsanê birêve biçe
12:24 PM - 2024-03-27
zêdetir tamaşe bike
Dema wergirtina lîsteyên namzedan hat dirêjkirin
12:38 PM - 2024-03-28
YNK û Partiya Komunîst a Çînê tekezî li ser xurtkirina peywendiyan kirin
11:43 PM - 2024-03-27
Talebanî: Em hewl didin bûdce û mûçeyên herêmê çareser bikin
07:21 PM - 2024-03-27
Erd û meaş dê bên belavkirin
04:56 PM - 2024-03-27
zortrin xwendraw
-
Erd û meaş dê bên belavkirin
Kurdistan 04:56 PM - 2024-03-27 -
Talebanî: Em hewl didin bûdce û mûçeyên herêmê çareser bikin
Kurdistan 07:21 PM - 2024-03-27 -
Xanima Yekem banga bilindkirina rola jinan di medyayê de dike
Kurdistan 09:42 AM - 2024-03-28 -
Dema wergirtina lîsteyên namzedan hat dirêjkirin
Kurdistan 12:38 PM - 2024-03-28 -
Berdevkê YNKê: Me xwe û lîsteya namzedan amade kiriye
YNK 01:34 PM - 2024-03-28 -
YNK û Partiya Komunîst a Çînê tekezî li ser xurtkirina peywendiyan kirin
Kurdistan 11:43 PM - 2024-03-27 -
Navenda Lêkolînê ya YNK’ê dest bi avakirina kapasîteya partiyê ya xwendina bilind kir
Kurdistan 06:23 PM - 2024-03-27 -
Guhertinên nav Ragihandinê ya YNK’ê dê bên pêkanîn
Kurdistan 09:02 PM - 2024-03-27