فەهمی بورهان: ئەنجامی هەڵبژاردن نەخشەی سیاسی و ئیداری جێناكۆكەكان دەگۆڕێت
کوردستان 12:34 PM - 2024-01-14فەهمی بورهان
فەهمی بورهان سەرۆكی دەستەی گشتی ناوچە كوردستانییەكانی دەرەوەی ئیدارەی هەرێم لە چاوپێكەوتنێكیدا لەگەڵ سایتی رەسمی یەكێتیی نیشتمانیی كوردستان PUKMEDIA رایگەیاند: "ئەنجامی هەڵبژاردن نەخشەی سیاسی و ئیداری ناوچە جێناكۆكەكان دەگۆڕێت و بەشێك لەكێشەكانی ئەو ناوچانە چارەسەر دەكات"، دەشڵێت: "ماددەی 140 ی دەستوور ماددەیەكی هەمیشەییە، بەڵام بەڕێوەچوونی هەنگاوەكانی جێبەجێكردنی ماددەكە لاوازە".
دەقی چاوپێكەوتنەكە:
*ئایا ئەنجامی هەڵبژاردنی ئەنجومەنی پارێزگاكان دەبێتەهۆی گۆڕانكاری ئیدار و بەڕێوەبردن لە ناوچە جێناكۆكەكان؟
فەهمی بورهان: "بەشێوەیەكی گشتی بارودۆخی ناوچە جێناكۆكەكان لەدوای هەڵبژاردنی ئەنجومەنی پارێزگاكان لەبەردەم گۆڕانكاری و قۆناغێكی نوێدایە، نەخشەی ئیداری و ئەمنی و سیاسی دەگۆڕێت، بۆیە دەكرێت وەك دەرفەتێك سوود لەو گۆڕانكاریانە وەربگیرێت و كێشەی زەوی و زارو بۆشایی ئەمنی و كێشەی یاسایی كە روبەڕووی گەڕەكە كوردنشینەكان دەبێتەوە، چارەسەر بكرێن".
*كاری پێكەوەیی تا چەند چارەسەری كێشەكانی ناوچە جێناكۆكەكان دەكات؟
فەهمی بورهان: "هەڵبژاردنی ئەنجومەنی پارێزگاكان دەتوانێت بەشێك لەوكێشانەی ئاماژەمان پێدا چارەسەر بكات و سەرەتایەكی نوێ لەكاری ئیدار و پێكەوە كاركردن بهێنێتە ئاراوە".
*هەنگاوەكانی قەرەبووكردنەوەی زیانلێكەوتووانی ناوچە جێناكۆكەكان بەكوێ گەیشتووە و بۆ بەلاوازی بەڕێوەدەچێت؟
فەهمی بورهان: "ماددەی 140 ی دەستوور ماددەیەكی هەمیشەییەو وەكو خۆی ماوەتەوە، بەڵام بەڕێوەچوونی هەنگاوەكانی جێبەجێكردنی ماددەكە لاوازەو دڵخوازی ئێمە نییە، ئەو بڕە پارەیەشی بۆ جێبەجێكردنی تەرخانكراوە بە بۆچوونی ئێمە ناتوانرێت قەرەبووی زیانلێكەوتووانی پێبكرێتەوە، لەگەڵ ئەوەشدا هەوڵەكانمان بەردەوامە بۆ ئەوەی هەنگاوی یەكەمی ماددەكە بچێتە بواری جێبەجێكردنەوە".
* كێشەی گەڕەكی نەورۆز چارەسەر كرا؟
فەهمی بورهان: "چارەسەركردنی كێشەكانی گەڕەكی نەورۆز كە گەڕەكێكی كورد نشینی كەركوكە، هەنگاوەكانی بەباشی بەڕێوەچوون و ئاسۆیەكی روون بۆ چارەسەركردنی كێشەكە دەركەوتووە، لەگەڵ ئەوەی بڕیاری چۆڵكردنی خانووەكانی گەڕەكی نەورۆز راگیراوە، هەروەها چاوەڕوان دەكرێت لە ماوەیەكی نزیكدا سوپا لەو گەڕەكە بكشێتەوە، ئەمەش لە كاتێكدایە كە خالید شوانی وەزیری دادی عیراق نوێنەرانی گەڕەكەكەی بینیوە و بەجددی لەگەڵ لایەنە پەیوەندیدارەكانی حكومەتی عیراق لەسەر هێڵە بۆ چارەسەركردنی كێشەكە".
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
ئەنجومەنی نوێنەران سەرۆکێکی نوێ هەڵدەبژێرێت
10:38 AM - 2024-05-17
داهاتی هەفتەی رابردووی سلێمانی نزیکەی 11 ملیار دینارە
08:47 AM - 2024-05-17
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
02:16 PM - 2024-05-16
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
زۆرترین خوێنراو
-
خەڵاتی خزمەت بە د. پۆڵا خانەقا دەبەخشرێت
کوردستان 08:35 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16