سەرۆکی دامەزراوەی مید:شۆڕشی داتا لەپێناو باشترین خزمەتە
کوردستان 11:56 AM - 2023-11-17ئامانج شەهید شەوکەوت
ئامانج شەهید شەوكەت سەرۆكی بۆردی دامەزراوەی مید لە چاوپێكەوتنێكیدا لەگەڵ سایتی رەسمیی یەكێتیی نیشتمانیی كوردستان PUKMEDIA رایگەیاند: " چەندین ساڵە داتای باش و راستمان لەبەردەست نەبووە كە پشتی پێ ببەسترێت، لەم ماوەیەدا دامەزراوەی مید ئامادەكراوە بۆ گەشەپێدانی ناوچەیی، كەبەهۆیەوە بەرنامە دادەڕێژرێت بۆ پێشكەشكردنی باشترین خزمەتگوزاری بە لایەنی پەیوەندیدار لە كەرتی حكومی و تایبەت، بۆیە پڕۆژەی (دەستپێشخەری شۆڕشی داتا) مان راگەیاند بۆ چارەسەركردنی هەژاری وڵات لەدەستكەوتنی داتا".
دەشڵێت: "شۆڕشی داتا یەكەم هەنگاوی ئەم پرۆسەیەیە و دواتر سمارت سولی پۆرتاڵێكە بۆ پۆلێنكردنی هەندێك كێشە، كەلەوێ بڵاودەكرێتەوەو دواتر بانگەواز بۆ گەنجان دەكەین بۆ پێشنیاركردنی چارەسەری ئەو كێشەیە، دواتر هەڵسەنگاندن بۆ ئەنجامەكانیان دەكرێت".
دەقی چاوپێكەوتنەكە:
دەستپێشخەری شۆڕشی داتا بە چارەسەرە زیرەكەكان بۆ گەشەپێدانی هەرێم چی دەگەیەنێت؟
-ئامانج شەهید شەوكەت: "هەموو تاكێك پەیوەستە بە داتاوە، لەهەر بوارێكدا بێت، بەبێ زانیاری و سەرچاوە ناتوانێت كارەكانی رایی بكات، كێشەكە لەوەدایە چەندین ساڵە داتای باش و راستمان لەبەردەست نەبووە كە پشتی پێ ببەسترێت، لەم ماوەیەدا دامەزراوەی مید ئامادەكراوە بۆ گەشەپێدانی ناوچەیی، كەبەهۆیەوە بەرنامە دادەڕێژرێت بۆ پێشكەشكردنی باشترین خزمەتگوزاری بە لایەنی پەیوەندیدار لە كەرتی حكومی و تایبەت، كێشەكەش لەوێوە سەریهەڵدا كەدەستمان بەم كارە كرد، دەستكەوتنی داتا هیچ ئاسان نەبوو لەهەموو بوارەكاندا، ئەم كەلێنە چەندین ساڵە هەستی پێدەكرێت، بەڵام كەس هەنگاوی جدی نەناوە بۆ چارەسەر، بەو هۆیەوە هەنگاوێك هاتینە دواوەو داتامان كرد بە پرۆژە بۆ ئەوەی دۆخەكەی چاك بكەین، بۆیە كردمان بە پرۆژە، بۆ چارەسەركردنی هەژاری وڵات لەدەستكەوتنی داتا و ناومان نا (دەستپێشخەری شۆڕشی داتا)، كەچەندین وڵاتی تر ئەم كێشەیەیان هەیە و نەتەوە یەكگرتووەكان ئاماژەیان پێداوە، كە ئەم هەنگاوە بە پشتگیری نوسینگەی قوباد تاڵەبانی كراوەو، دەستمانكردووە بە دۆزینەوەی شێوازی دەستكەوتنی داتا، كەبەئاسانی دەستی كەسانی پەیوەندیدار بكەوێت، لایەنێكی تریشی ئەوەیە كە توانای مرۆیی بەرزبكەینەوە، كە نەوەیەکمان هەیە لە بابەتە سەردەمییەكان تێدەگەن، فێرببن چۆن داتا بەزانستی بەكاربهێنرێت و چۆن مامەڵەی پێوە بكرێت".
سەقامگیری و گەشەی ئابوری لە چوارچێوەی ئەم پرۆژەیەدا لە كویا خۆی دەبینێتەوە؟
-ئامانج شەهید شەوكەت: "كە ئابورییەك نەتوانێت بەردەوام بێت، لەبەر ئەوەیە كە بڕیاری دروست نەدراوە، بڕیاری دروستیش تەنها و تەنها بە داتا دەكرێت، ئەگەرنا بڕیار دەتوانرێت بەپێی ویست و بۆچونی خەڵكی تایبەت بكرێت، بەڵام ئەمە لەسەر بنەمایەكی زانستی نییە و ویستی شەخسە، كە ئەشكرێ كەسێك ئەوەنە زیرەك بێت بڕیارێكی باش بدات، بەس ناتوانێت بە زانست بیسەلمێنێت، بەڵام لەهەبوونی داتای پێویست و بەردەست ئابووری سەقامگیرتر دەبێت".
پرۆژەی دەستپێشخەری شۆڕشی داتا چی بۆ هەماهەنگی نێوان حكومەت و كەرتی تایبەت دەستەبەر دەكات؟
-ئامانج شەهید شەوكەت: "داتا یان زانیاری زیاتر لەدەستی حكومەتدایە و حكومەتیش دەیەوێت خۆی كۆنترۆڵی داتا بكات، بەڵام لە وڵاتی پێشكەوتوو گەشەكردوو، داتا ئازادە بۆ كەرتی تایبەت و حكومەت، بەڵام لەكۆتاییدا حكومەت پارێزەری مافی تاكە و زانیارییە كەسییەكانی تێدایە، بەڵام ئەوەی كەرتی تایبەت پێی دەكرێت حكومەت پێی ناكرێت و حكومەت دەتوانێت رێگایان پشان بدات و ئاسانكاری و پشتگیرییان بكات بۆ دەستكەوتنی داتای دروست و داتاكانیش بگەرێتەوە حكومەت".
بەشداری هاووڵاتیان لەم پرۆژەیە لە چ رێگایەكەوە دەبێت؟ كەئەگەر كیشەیەك پەی پێ ببەن؟
-ئامانج شەهید شەوكەت: "كە داتا كۆدەكرێتەوە، وەك لە جیهاندا باوە دەبێت بۆچونی هاووڵاتیانی لەسەر وەربگیرێت و داتاكەت دەوڵەمەند بكەیت، ئەویش بەدوو شێواز، یەكەمیان بە ژمارە و دووەم بە لێدوان یاخود بە شێوازی راپرسی، كەئەمەش وادەكات شیكردنەوەی داتاكان بەهێز ببن و بەهۆیەوە بڕیارێكی دروستتر لەبارەیەوە بدرێت".
جگە لە دەستپێشخەری شۆڕشی داتا لەلایەن قوباد تاڵەبانی، دوو پرۆژەی تر راگەیەندران، سودی چییە بۆ گەنجان؟
-ئامانج شەهید شەوكەت: "شۆڕشی داتا یەكەم هەنگاوی ئەم پرۆسەیەیە و دواتر سمارت سولی پۆرتاڵێكە بۆ پۆلێنكردنی هەندێك كێشە، كەلەوێ بڵاودەكرێتەوەو دواتر بانگەواز بۆ گەنجان دەكەین بۆ پێشنیاركردنی چارەسەری ئەو كێشەیە، دواتر هەڵسەنگاندن بۆ ئەنجامەكانیان دەكرێت، ئەو كێشانەش پشتیان بە داتا بەستووەو سەلمێنراون، ئەمەش رێگا بۆ گەنجان خۆشدەكات بۆ پێشكەشكردنی پرۆژە، هاوكاتیش كارلەسەر گەشتوگوزاری پارێزگای هەڵەبجە دەكرێت و لە كۆنفرانسەكەش ئاماژەی پێكراوە كە چۆن داتا كۆكراوەتەوە، هاوكات پێوەری هەوا_مان لە پارێزگای سلێمانی داناوە، بۆ دیاریكردنی رێژەی پاكی و پیسی هەوا، كەلەمانگی 12 سلێمانی دەبێتە باشترین و پێشكەوتووترین شوێن بۆ پێوەركردنی كوالێتی هەوا لەسەر ئاستی عیراق و رۆژانە ئەم جیهازانە كاردەكەن و پێوەری هەوا هەڵدەسەنگێنن و هەموو كەس دەتوانی بەدەستی بهێنێت".
ئەمەش لەکاتێکدایە رۆژی ١٤-١١-٢٠٢٣، قوباد تاڵەبانی جێگری سەرۆک وەزیران هاوکات لەگەڵ یادی ٢٣٩ ساڵەی بنیاتنانی شاری سلێمانیدا، لە یەکەمین کۆنفڕانسی رێکخراوی مید، پرۆژەی دەستپێشخەری شۆڕشی داتای راگەیاند.
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
داهاتی هەفتەی رابردووی سلێمانی نزیکەی 11 ملیار دینارە
08:47 AM - 2024-05-17
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
02:16 PM - 2024-05-16
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16